ភ្ញាក់ផ្អើល! បងប្រុស Jisoo រងការចោ.ទប្រកាន់លើរឿងមិននឹកស្មានដល់នេះ

បងប្រុស Jisoo សមាជិក BLACKPINK ត្រូវបាននារីម្នាក់ចោទប្រកាន់ថាបានថតវីដេអូ ខុសច្បាប់ និងមានទំនាក់ទំនងស្នេហាខណៈដែលប្រពន្ធរបស់លោកមានផ្ទៃពោះ។

យោងតាមគេហទំព័រ Allkpop កាលពីថ្ងៃទី ២៩ ខែឧសភា ការបង្ហោះមួយមានចំណងជើងថា «ខ្ញុំត្រូវបានបងប្រុសរបស់ Jisoo BLACKPINK ថតដោយសម្ងាត់» ត្រូវបានគេបង្ហោះលើគេហទំព័រមួយ។ អ្នកបង្ហោះរូបនោះបាននិយាយថា «នាងបានរួមភេទនៅផ្ទះរបស់បងប្រុស Jisoo បន្ទាប់មកនាងបានដឹងថាគាត់កំពុងថតរូបនាងដោយលាក់កាមេរ៉ា នាងមិនជឿទេ។ អ្វីដែលអាក្រក់នោះ គឺនាងក៏បានឮថា គាត់បង្ហាញវីដេអូនេះ ទៅកាន់អ្នកស្គាល់គាត់ គាត់ថែមទាំងបានរក្សាទុកវីដេអូនោះ ហើយអួតថា មានវីដេអូសម្ងាត់ជាច្រើនរបស់នារីផ្សេងទៀត។

លើសពីនេះ បងប្រុសរបស់ Jisoo ត្រូវបានចោទប្រកាន់ពីបទ “មានទំនាក់ទំនងជាមួយនារីជាច្រើននាក់ក្នុងពេលតែមួយ” រួមទាំងស្ត្រីម្នាក់ដែលលោកបានជួបនៅពេលប្រពន្ធរបស់លោកមានផ្ទៃពោះផងដែរ។ មិនឈប់ត្រឹមនេះ អ្នកបង្ហោះរូបនេះបានចោទប្រកាន់បងប្រុសរបស់តារាចម្រៀង Blackpink ថា «បង្ខំមនុស្សមួយចំនួនឱ្យផ្ញើវីដេអូអាសអាភាសខ្លួនឯង»។
សារបង្ហោះបាននិយាយថា «បងប្រុស Jisoo ចាត់ទុកស្ត្រីដូចជាវត្ថុផ្លូវភេទដោយមិនគិតពីបំណងប្រាថ្នាឬអារម្មណ៍របស់អ្នកដទៃ»។

ជាចុងក្រោយ អ្នកបង្ហោះរូបនេះបាននិយាយថា៖ «ខ្ញុំមិនដែលយល់ព្រមទេ។ ខ្ញុំមិនដឹងថាខ្ញុំត្រូវបានគេថតដោយសម្ងាត់ទេ។ ខ្ញុំជាជនរងគ្រោះនៃរឿងទាំងអស់នេះ។ ខ្ញុំកំពុងពិចារណាចាត់វិធានការផ្លូវច្បាប់។ បើចាំបាច់ ខ្ញុំត្រៀមខ្លួននិយាយជាមួយជនរងគ្រោះផ្សេងទៀត»។

បន្ទាប់ពីបញ្ចប់កិច្ចសន្យាផ្ទាល់ខ្លួនរបស់នាងជាមួយផលិតកម្ម YG ចុងឆ្នាំ ២០២៣ Jisoo ឥឡូវនេះគឺជាសិល្បកររបស់ Blissoo ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុនដែលបានបើកដំណើរការម៉ាកផលិតផលអាហារបំប៉នសុខភាពកុមារដែលដឹកនាំដោយបងប្រុសរបស់ Jisoo ។

ការបង្ហោះដើមដែលចោទប្រកាន់លើបងប្រុសរបស់ Jisoo ត្រូវបានលុបចោល ប៉ុន្តែវារីករាលដាលយ៉ាងឆាប់រហ័សពាសពេញសហគមន៍អនឡាញ ហើយទាក់ទាញការចាប់អារម្មណ៍ និងការជជែកវែកញែក។ ប្រឈមមុខនឹងការចោទប្រកាន់នេះ បងប្រុសរបស់ Jisoo បានបដិសេធដោយ នៅក្នុងសេចក្តីថ្លែងការណ៍មួយដោយ បានប្រកាសថាលោកគ្រោងនឹងចាត់វិធានការតាមផ្លូវច្បាប់។ ក្រុមហ៊ុនគ្រប់គ្រងរបស់ Jisoo ក៏បានឆ្លើយតបថា «យើងកំពុងពិនិត្យមើលបញ្ហានេះ»។

អ្នកគាំទ្រព្រួយបារម្ភថាឧបទ្ទវហេតុនេះអាចប៉ះពាល់ដល់មុខមាត់របស់ Jisoo ដោយប្រយោលជាពិសេសនៅក្នុងពេលដែល តារាចម្រៀងស្រីរូបនេះកំពុងត្រៀមវិលត្រឡប់មកវិញជាមួយនឹងក្រុមពេញលេញ។ ក្រៅពីសកម្មភាពតន្ត្រីរបស់នាង Jisoo ក៏មានរឿង «Omniscient Reader’s Viewpoint» ដែលគ្រោងនឹងចាក់បញ្ចាំងនៅខែកក្កដានេះ៕