វិលវល់មិនទាន់ចប់! Kim Sae Ron មានទំនាក់ទំនងជាមួយតារាល្បីម្នាក់នៅឆ្នាំ២០១៨ មិនមែនជា Kim Soo Hyun

យោងតាមប្រព័ន្ធផ្សព្វផ្សាយកូរ៉េនៅថ្ងៃទី ២១ ខែឧសភា នេះ Kim Sae Ron ត្រូវបានគេនិយាយថាបានណាត់ជួបជាមួយតារាល្បីមួយរូបនៅជុំវិញឆ្នាំ ២០១៨ មិនមែន Kim Soo Hyun នោះទេ ស្របពេលដែលគ្រួសាររបស់ Kim Sae Ron បានបញ្ជាក់ពីមុនថាអតីតតារាស្រីរូបនេះបានណាត់ជួបតារាសម្តែង Kim Soo Hyun ពីឆ្នាំ ២០១៥ ដល់២០២១ ។

បន្ទាប់ពីមានព័ត៌មាននេះបានសាយភាយទស្សនិកជនជាច្រើនបានចោទជាសំណួរ ដោយសារតែពេលវេលាស្របគ្នាជាមួយនឹងទំនាក់ទំនងរបស់នាង។ មិត្តប្រុសរូបនេះត្រូវបានគេហៅថាជាសមាជិកក្រុមតារាចម្រៀង A ដែលមានវ័យចំណាស់ជាង Kim Sae Ron។ អ្នកទាំងពីរត្រូវបានគេរាយការណ៍ថាបានបែកបាក់គ្នាក្នុងរយៈពេលខ្លីនៅដើមឆ្នាំ ២០១៩ ប៉ុន្តែបានមានទំនាក់ទំនងជាមួយគ្នាវិញនៅដើមពាក់កណ្តាលឆ្នាំ ២០២២ ដែលជាពេលដែល Kim Sae Ron ប្រឈមមុខនឹងការរិះគន់ជាសាធារណៈចំពោះគ្រោះថ្នាក់ចរាចរណ៍របស់នាងបើកបរដោយស្ថានភាពស្រវឹង។

យោងតាមប្រព័ន្ធផ្សព្វផ្សាយកូរ៉េ តារា A នោះបានខ្ចីប្រាក់យ៉ាងច្រើនដល់ Kim Sae Ron អំឡុងពេលនេះនៅពេលដែលនាងជួបការលំបាកផ្នែកហិរញ្ញវត្ថុ។
Kim Sae Ron ត្រូវបានគេនិយាយថាបានណែនាំបុរសនោះជាសាធារណៈថាជាមិត្តប្រុសរបស់នាងដល់អ្នកស្គាល់។ តារាសម្ដែង Kim Sae Ron មិនបានប្រឹងប្រែងរក្សា ទំនាក់ទំនងនេះជាអាថ៌កំបាំងនោះទេ។ ទោះបីជាពួកគេបានបែកគ្នាជាផ្លូវការនៅដើមឆ្នាំ ២០២៣ ប៉ុន្តែពួកគេនៅតែទាក់ទងគ្នារហូតដល់ឆ្នាំ២០២៤។

អ្នកក្នុងផ្នែកកម្សាន្តមួយរូបបាននិយាយថា «ទោះជាបែកគ្នាហើយ Kim Sae Ron និង A ក៏នៅតែជាមិត្តនឹងគ្នាដែរ។ គោលបំណងនៃការលាតត្រដាងពីទំនាក់ទំនងអតីតកាលរបស់ពួកគេគឺគ្រាន់តែបញ្ជាក់ពីពេលវេលាទាក់ទងនឹង Kim Soo Hyun ហើយយើងសង្ឃឹមថាមនុស្សមិនយល់ជ្រៅពេកក្នុងព័ត៌មានផ្ទាល់ខ្លួនរបស់ A»។

ទន្ទឹមនឹងនោះ ក៏មានមហាជនមួយចំនួនបានសន្និដ្ឋានថា អតីតមិត្តប្រុសរបស់ Kim Sae Ron គឺជាសមាជិកក្រុមចម្រៀងល្បី ៧ នាក់ ប៉ុន្តែព័ត៌មាននេះត្រូវបានសារព័ត៌មានកូរ៉េអះ អាងថាជាព័ត៌មានមិនពិត៕