តារាចម្រៀង វេហាស៍ បានឃ្លាតឆ្ងាយពីអាជីពសិល្បៈក្នុងស្រុកនិងបច្ចុប្បន្នកំពុងរស់ នៅលើទឹកដីសហរដ្ឋអាម៉េរិកព្រមទាំងបង្កើតមាតិកាធ្វើម្ហូបជាមួយលោក មាស សាលី និងភរិយា ទទួលបាននូវការចាប់អារម្មណ៍យ៉ាងខ្លាំង។ ជាមួយគ្នានេះលោក មាស សាលី ដែលជាបងប្រុស វេហាស៍ បានបង្ហាញថាប្អូនប្រុសរបស់លោកមានជំនាញច្រើនផ្នែក ប៉ុន្តែនៅមិនទាន់មានគូ។
នៅថ្ងៃទី២១ ឧសភា លោក មាស សាលី ម្ចាស់បទ« អង្គរក្សបេះដូង» បានបង្ហោះ រូបភាពរបស់ វេហាស៍ ដោយបានដាក់ចំណងជើងថា «នេះជាជំនាញ ខ្លះៗរបស់ លោកវេហាស៍ តស់អ្នកណាខ្លះចង់ធ្វើប្អូនថ្លៃខ្ញុំ ដាក់ពាក្យឱ្យលឿនៗមក»។ ក្នុងរូបភាពដែលលោកមាស សាលី បានបង្ហោះគឺបានរៀបរាប់ពីជំនាញដែល វេហាស៍ ចេះច្រើន។ ក្នុងការបញ្ជាក់នោះមានដូចជា រេហាស៍ ជាជាងផ្សារដែក៥ឆ្នាំនៅកូរ៉េ ជាអ្នកចម្រៀង ចេះច្រៀង ចេះរាំ ចេះនិពន្ធខ្លួនឯង ជាចុងភៅជំនាញចេះ ធ្វើម្ហូបសឹងគ្រប់មុខ ខ្មែរ ថៃ ឡាវ កូរ៉េ និងជាងក្រចកនៅសហរដ្ឋអាម៉េរិក»។
លោក មាស សាលី ក៏បញ្ជាក់នៅក្នុងខម្មិនដែរថា ការចេញមកបង្ហាញបែបនេះដោយសារតែ វេហាស៍ អាយុខ្ទង់សាមទៅហើយនៅមិនទាន់មានកគូ។ លោក មាស សាលី បានសរសេរថា «ប្រកាសឡៃឡុងៗចឹងហ្មង មិនដែលអាណា32ហើយ អត់មានសង្សារអីមួយចឹង»។
បន្ទាប់ពីទស្សនិកជនបានដឹងពីសមត្ថភាពរបស់ វេហាស៍ ហើយបានធ្វើឱ្យមានមតិសរសើរយ៉ាងច្រើនថាលោកជាមនុស្សពហុជំនាញជាពិសេសនារីណាបានលោកធ្វើជាប្តីប្រាកដជាសំណាងធំ។
គួរឱ្យដឹងថាលោក វេហាស៍ គឺជាតារាចម្រៀងក្នុងទ្រនំ សាន់ដេ ប៉ុន្តែពេលនេះលោកបានប្រើជីវិតរស់នៅលើទឹកដីសហរដ្ឋអាម៉េរិកជាមួយនឹងបងប្រុសរបស់ខ្លួនគឺលោក មាស សាលី៕
