អ្នកគាំទ្របានបង្ហាញអារម្មណ៍ក្រៀមក្រំយ៉ាងខ្លាំងបន្ទាប់ពីក្រុម Veesa Team សម្រេចចិត្ត រំសាយក្រុមបន្ទាប់ពីឈរជើងបានជាង៥ឆ្នាំ។ ការប្រកាសរំសាយនេះគឺមានកត្តាពីរ សំខាន់ៗ ហើយមួយក្នុងចំណោមនោះគឺគ្មានថវិកាដោយសារតែទទួលបាន ចំណូល តិចជាងចំណាយធ្វើឱ្យទប់ទល់លែងរួច។
នៅយប់ថ្ងៃទី១៥ ឧសភា ឆ្នាំ២០២៥ VEESA – The Creator បានចេញវីដេអូប្រាប់អ្នក គាំទ្ររបស់ខ្លួនថា Veesa Team បានសម្រេចចិត្តរំសាយហើយ។ លោក ហេង វិសាល ដែលជាស្ថាបនិកក្រុមនេះបានលាតត្រដាងពីមូលហេតុនៃការលាអ្នកគាំទ្រនោះគឺមានចំនួន២ហេតុផល។ លោក ថាទី១គឺ បេកសកម្មរបស់ Veesa គឺហួសដឺឡេ។ ចំណុចនេះលោក ហេង វិសាល បានបញ្ជាក់ថាអ្នកមួយចំនួនអាចដឹងថា Veesa បង្កើតឡើងដើម្បីផ្តល់ ឱកាសទៅដល់ក្មេងៗដែលស្រលាញ់វិស័យ Content Creator ប៉ុន្តែសម័យនេះឱ្យតែអ្នក មានសមត្ថភាព មានទេពកោសល្យគ្រាន់តែផុសអាចរកការងារបានតែម្តង។
ចំពោះហេតុផលទី២ ហេង វិសាល បានបន្តទៀតថាគឺ «គ្មានលុយ»។ លោកបានបន្ត ទៀតថា ទស្សនិកជនបានឃើញវីដេអូសប្បាយៗប៉ុន្តែនៅពីក្រោយការធ្វើវីដេអូគឺចំណាយ ច្រើន ហើយការចំណាយគឺទប់អត់រួច។ ក្នុងការរៀបរាប់នេះ ហេង វិសាល ថាទោះបីជា Veesa បានបញ្ចប់ក្តីប៉ុន្តែដំណើរម្នាក់ៗរបស់សមាជិកនីមួយៗនៅតែបន្ត។
គួរឱ្យដឹងថា កម្មវិធីកម្សាន្តដែល Veesa បង្កើតឡើងទទួលបាននូវប្រជាប្រិយភាពខ្លាំង ជាងគេគឺកម្មវិធី «ទៅស្រុក» ដែលមាន៣រដូវកាល ខណៈរដូវកាលចុងក្រោយបានរងនូវ រឿងចម្រូងចម្រាស៕
