MV ដ៏ធំបំផុតរបស់តារាចម្រៀងរ៉េប ម៉ាន់ វណ្ណដា ក្នុងឆ្នាំ២០២៥ មានចំណងជើងថា «សុវណ្ណភូមិ» បានយកឈ្នះកំណត់ត្រារបស់បទ «Time To Rise» ដោយចាយពេល ត្រឹមតែ២១ម៉ោង ទទួលបានការទស្សនា១លានដងនៅលើឆាណែលយូធូប។
មិនធ្វើឱ្យអ្នកគាំទ្រអស់សង្ឃឹម វណ្ណដា បានទម្លាក់បទ «សុវណ្ណភូមិ» ជំនួសឱ្យ «Time To Rise2» កាលពីថ្ងៃទី១៣ ឧសភា ឆ្នាំ២០២៥ ហើយបានធ្វើឱ្យមនុស្សរាប់លាននាក់សិល្បករ សិល្បការិនី អ្នកគាំទ្រក្រៅស្រុកកោតសរសើរពីអត្ថន័យនិងវីដេអូនេះយ៉ាងខ្លាំង។ ស្ថិតក្រោមការដឹកនាំរបស់កញ្ញា រិទ្ធី លំអរពេជ្រ ហៅយូគី MV សុវណ្ណភូមិ ប្រៀបដូចធ្វើឱ្យ អ្នកជំនាន់ក្រោយឆ្លងទៅសម័យកាលទៅរស់នៅសម័យមហានគរ។
វីដេអូចម្រៀងមួយនេះរបស់ វណ្ណដា គឺបានលើកស្ទួយវប្បធម៌ខ្មែរយ៉ាងខ្លាំងទៅកាន់ពិភព លោកដោយមានទាំងព័ស្តុតាងមកបញ្ជាក់ច្បាស់ៗនៃសិល្បៈក្បាច់ល្បុក្កតោ យ័ន្ត ជាពិសេសរូបចុងក្រោយនៃវីដេអូដែលបង្ហាះពូគ្រឹះនៃការសាងសង់ប្រាសាទរបស់ដូនតាខ្មែរ នៅទឹកដីអង្គរ ដែលបុព្វបុរសខ្មែរបានសាងសង់ប្រាសាទទៅតាម ក្បួនវិទ្យាសាស្រ្ត និងតាមតារាសាស្រ្តដូចទៅនឹងផ្កាយDraco ឬហៅថា «ផ្កាយនាគ»។
ជាមួយនឹងសមិទ្ធដ៏អស្ចារ្យនិងបង្ហាញពីសម្បត្តិវប្បធម៌ខ្មែរ វីដេអូចម្រៀង សុវណ្ណភូមិ បានបំបែកកំណត់ត្រារបស់បទចម្រៀង «Time To Rise» ដោយចាយពេល២១ម៉ោងបទនេះទទួលបានការទស្សនាចំនួន១លានដងនៅលើឆាណែលយូធូបរបស់ វណ្ណដា ខណៈបទ «Time To Rise» ដែលបានទម្លាក់កាលពីថ្ងៃទី២៨ ខែ មីនា ឆ្នាំ២០២១ បានចាយពេល២២ម៉ោងនិង៥៥នាទីទទួលបានការទស្សនាចំនួន ១លានដងនៅលើឆាណែលយូធូប។
គួរបញ្ជាក់ផងដែរថា ដ្បិតតែបំបែកកំណត់ត្រាចាស់របស់ខ្លួនក្តី ប៉ុន្តែស្នាដៃបទ «Time To Rise» ជាមួយលោកតា គង់ ណៃ នៅតែជាបទដ៏អស្ចារ្យមួយរបស់ វណ្ណដា ដែលមិនមានអ្វីជំនួសបានជាក់ស្តែង វណ្ណដា បានសម្រេចចិត្តមិនដាក់ចំណងជើងឬអាល់ប៊ុមចម្រៀង «Time To Rise2» ដោយសារតែគ្មានវត្តមានលោកតា គង់ ណៃ។
មកទល់មកនេះបទ «Time To Rise» មានការចូលមើលចំនួន១៣០លានដង ក្នុងរយៈពេល៤ឆ្នាំ ខណៈបទ សុវណ្ណភូមិ មានការទស្សនា លើស១.៨លាន ដងគិតត្រឹមព្រឹកថ្ងៃទី១៦ ខែឧសភា ឆ្នាំ២០២៥៕
