ប្រទេសហ្ស៊កដានី ៖ តាមការចុះផ្សាយរបស់សារព័ត៌មានបរទេសកាលពីថ្ងៃទី៦ ខែឧសភា ឆ្នាំ២០២៥ ឱ្យដឹងថា ហេតុការណ៍ដ៏រន្ធ.ត់មួយបានកើតឡើងនៅប្រទេសហ្ស៊កដានី (Jordan) គឺមានភ្លៀងធ្លាក់យ៉ាងខ្លាំងនៅទីក្រុងបុរាណឈ្មោះ «ផេត្រា» ស្ថិតនៅកណ្តាលវាលខ្សាច់ បណ្តាលឱ្យមានទឹកជំនន់ហូរមកភ្លាមៗដូចទឹកជ្រោះធ្លាក់ពីលើជ្រលងថ្ម ។ ហេតុការណ៍នេះធ្វើឱ្យភ្ញៀវទេសចរស្លា.ប់ ចំនួន២នាក់ ដោយសាររត់គេចខ្លួនពុំទាន់ ខណៈភ្ញៀវទេសចរជាច្រើនទៀតត្រូវបានភ្នាក់ងារសង្គ្រោះជួយទាន់ពេលវេលា ។.png)
ភ្ញៀវទេសចរជាច្រើននាក់ដែលមកដើរលេងនៅប្រាសាទថ្មក្នុងទីក្រុងបុរាណកណ្តាលវាលខ្សាច់ ដែលជាសម្បត្តិបេតិកភណ្ឌពិភពលោករបស់ប្រទេសហ្ស៊កដានី នៅសុខៗ ស្រាប់តែក្លាយជាជនរងគ្រោះរត់គេចពីគ្រោះថ្នាក់ ក្រោយពីមានភ្លៀងធ្លាក់យ៉ាងខ្លាំង និងទឹកហូរពីតំបន់ព្រៃភ្នំ បណ្តាលឱ្យមានទឹកជំនន់ភ្លាមៗហូរធ្លាក់ពីជ្រលងថ្មខ្ពស់ៗ ។
អាជ្ញាធរហ្ស៊កដានីបានជម្លៀសភ្ញៀវទេសចរជិត២,០០០នាក់ និងបញ្ជាបិទទីក្រុងបុរាណមួយរយៈដើម្បីផ្តល់សុវត្ថិភាពដល់ភ្ញៀវទេសចរ ។ ជាមួយគ្នានេះ មានភ្ញៀវទេសចរជិត២០នាក់ បានប្រឈមនឹងគ្រោះថ្នាក់ដោយសារទឹកហូរធ្លាក់ពីលើកំពូលភ្នំក្នុងតំបន់ Wadi al-Nakhil ទីក្រុងម៉ាអាន (Ma’an) ស្ថិតនៅឆ្ងាយប៉ុន្មានពីទីក្រុងផេត្រា ។
អភិបាលក្រុងម៉ាអាន និយាយថា មានភ្ញៀវទេសចរបែលហ្ស៊ិក ២នាក់ បានបាត់ខ្លួនតាមខ្សែទឹក ក្រោយមក អាជ្ញាធរក៏បានរកឃើញសាកសពពួកគេ ។ រីឯភ្ញៀវទេសចរបរទេស១៤នាក់ទៀតមានសុវត្ថិភាព ក្រោយពីភ្នាក់ងារសង្គ្រោះនាំពួកគេចាកចេញពីតំបន់គ្រោះថ្នាក់ ។ .png)
បើតាមភ្នាក់ងារសង្គ្រោះ គឺការស្វែងរកមនុស្សបាត់ខ្លួនធ្វើឡើងយ៉ាងលំបាក ដោយសារអាកាសធាតុមិនអំណោយផល និងទីតាំងស្មុគស្មាញ ។ ភ្នាក់ងារសង្គ្រោះបានផ្អាកស្វែងរកជនរងគ្រោះបណ្តោះអាសន្ននៅពេលយប់ និងតាមរកជនរងគ្រោះបន្តទៀតពេលព្រឹក ។.png)
បច្ចុប្បន្ន ទីក្រុងបុរាណផេត្រា គឺជាតំបន់ទេសចរណ៍ដ៏ល្បីល្បាញលំដាប់ទី១ របស់ប្រទេសហ្ស៊កដានី (ស្ថិតនៅតំបន់អាស៊ីខាងលិច) ហើយហេតុការណ៍នេះអាចសម្លាប់មនុស្សដែលមកកម្សាន្តនៅទីក្រុងបុរាណកណ្តាលវាលខ្សាច់ដ៏ស្ងួតហួតហែងគ្រប់ពេលវេលា ៕
