បន្ទាប់ពីលោក ណាវ៉ាត់ ទទួលបានកម្មសិទ្ធិរៀបចំបវរកញ្ញាចក្រវាលថៃ(MUT) វាបណ្តាលឱ្យមានការផ្លាស់ប្តូរជាច្រើននៅក្នុងការប្រកួតបវរកញ្ញាដ៏ស្រស់ស្អាតនេះ។ ដូច្នោះហើយ អតីតបេក្ខនារីមួយចំនួននឹងមិនអនុញ្ញាតឱ្យចូលរួមក្នុងសកម្មភាពរបស់កម្មវិធីប្រឡងទេ ទើបមានបេក្ខភាពជាច្រើនព្យាយាមផ្គាប់ចិត្តលោក ណាវ៉ាត់ ជាបន្តបន្ទាប់។
ប៉ុន្មានថ្ងៃចុងក្រោយនេះ ពិភពបវរកញ្ញាបានផ្ទុះរឿងអាស្រូវរវាង Anntonia Porsild Miss Universe Thailand 2023 និង Veena Praveenar ដែលជាប់លំដាប់រងទី២ Miss Universe Thailand 2023។ ជាពិសេស គេបានរកឃើញថា Veena បានឈប់តាមដាន(Unfollow) ដៃគូប្រកួតជំនាន់រួមគ្នារបស់នាង នៅលើបណ្តាញទំនាក់ទំនងសង្គម Instagram ។ បេក្ខភាពរូបនេះហាក់លែងចង់ពាក់ព័ន្ធនឹងអតីតបេក្ខនារីរបស់នាងទៀតហើយ។
មតិជាច្រើនលើកឡើងថា Veena Praveenar ខិតខំធ្វើគ្រប់យ៉ាងដើម្បីរកពិន្ទុ ព្រោះលោក ណាវ៉ាត់ មិនចង់ឱ្យបេក្ខជនជាប់ពាក់ព័ន្ធជាមួយអង្គភាពចាស់។ ម្ចាស់ថ្មីនៃបវរកញ្ញាចក្រវាលថៃក៏បានប្រកាសដែរថា បវរកញ្ញាដែលទទួលបានជ័យលាភីបវរកញ្ញា និងលំដាប់រងនៅពេលដែលអង្គភាពចាស់កាន់កាប់កម្មសិទ្ធិត្រូវបានហាមឃាត់មិនឱ្យចូលរួមក្នុងព្រឹត្តិការណ៍នានាក្នុងប្រព័ន្ធបវរកញ្ញាខេត្ត។ ការ Unfollow ពី Veena Praveenar នេះ Anntonia Porsild បាននិយាយថានាងមិនជិតស្និទ្ធដូច្នេះនាងមិនខ្វល់ពីសកម្មភាពរបស់អ្នកដទៃទេ។
Veena Praveenar បានខិតខំ Live លក់ផលិតផលឈានដល់ ១០លានបាតថៃ ហើយត្រូវបានអញ្ជើញឱ្យទៅការិយាល័យរបស់លោក ណាវ៉ាត់ ដើម្បីផ្សាយបន្តផ្ទាល់ការលក់ជាមួយគ្នា។ ការផ្លាស់ប្តូរទិសដៅរបស់ Veena បានធ្វើឱ្យមនុស្សគ្រប់គ្នាភ្ញាក់ផ្អើល។ 
នៅខែមិថុនា ឆ្នាំ ២០២១ Veena Praveenar ត្រូវបានមិត្តប្រុសឥណ្ឌាដែលមានទ្រព្យសម្បត្តិរបស់នាងស្នើសុំរៀបការ។ គូស្នេហ៍មួយគូនេះបានរៀបចំផែនការ និងកំណត់ពេលវេលាជាក់លាក់មួយសម្រាប់អាពាហ៍ពិពាហ៍របស់ពួកគេក្នុងឆ្នាំដដែល។ ដោយសារតែសុបិនចង់គ្រងមកុដទើប Veena សម្រេចចិត្តពន្យារពេលរៀបការ ហើយផ្តោតលើដំណើរឆ្ពោះទៅកាន់បវរកញ្ញាចក្រវាលថៃ ២០២៣។ នៅទីបំផុត នាងបានបន្តខកខានគ្រងមកុដ ដោយឈរនៅចំណាត់ថ្នាក់លំដាប់រងទី២។ ក្នុងថ្ងៃដំបូងនៃការវិលត្រឡប់មកចូលរួមកម្មវិធីប្រកួតបវរកញ្ញាចក្រវាលប្រទេសថៃ២០២៥ Veena Praveenar ត្រូវបានទាក់ទាញការចាប់អារម្មណ៍នៅពេលដែលនាងបញ្ជាក់ថានាងបានបែកបាក់ជាមួយមិត្តប្រុស។ នេះជាលើកទី៤ហើយសម្រាប់នាងក្នុងការប្រកួតបវរកញ្ញា។
Veena Praveenar មានអាយុ ២៩ ឆ្នាំ ជាកូនកាត់ថៃ-ឥណ្ឌា។ នាងមានកម្ពស់ ១.៧៨ ម៉ែត្រ។ Veena បានបញ្ចប់ការសិក្សាថ្នាក់ជំនាញពីរផ្នែកផ្នែកសិល្បៈរុស្ស៊ីនិងសេរីនិយមពីសាកលវិទ្យាល័យ Thammasat ស្ទាត់ជំនាញភាសាអង់គ្លេស និងរុស្ស៊ី៕
