ក្រសួងអប់រំ យុវជន និងកីឡា សហការជាមួយទីភ្នាក់ងារសហប្រតិបត្តិការអន្តរជាតិកូរ៉េ និងកម្មវិធីស្បៀងអាហារពិភពលោកនៃអង្គការសហប្រជាជាតិ បានដាក់ឱ្យអនុវត្តគម្រោងផ្តល់អាហារតាមសាលារៀនដោយប្រើប្រាស់កសិផលក្នុងសហគមន៍នៅកម្ពុជា។
ការដាក់ឱ្យអនុវត្តគម្រោងនេះ គឺបង្ហាញពីការគាំទ្រដល់ការអនុវត្តវិធានការគន្លឹះរបស់រាជរដ្ឋាភិបាល ដើម្បីជំរុញ និងលើកកម្ពស់វិស័យអប់រំនៅកម្រិតមត្តេយ្យដល់មធ្យមសិក្សា ជាពិសេសការយកចិត្តទុកដាក់លើសុខភាពរបស់សិស្ស តាមរយៈកម្មវិធីអាហារូបត្ថម្ភដល់កុមារ និងការត្រួត ពិនិត្យគុណភាពចំណីអាហារនៅតាមសាលារៀន។.png)
បន្ថែមពីនេះ កម្មវិធីផ្តល់អាហារតាមសាលារៀន បាននឹងកំពុងជួយកសាងប្រព័ន្ធអប់រំមួយឱ្យរឹងមាំ មានភាពធន់ជាងមុន និងបានរួមចំណែកគាំទ្រដល់គោលដៅអភិវឌ្ឍន៍ជាតិផងដែរ។.png)
បច្ចុប្បន្ន កម្មវិធីផ្តល់អាហារតាមសាលារៀន បានផ្តល់អាហារជូនដល់សិស្សានុសិស្សប្រមាណ១៩មុឺននាក់នៅតាមសាលាបឋមសិក្សាចំនួន៦៨៦សាលា។.png)
គម្រោងនេះ មានតម្លៃ១០លានដុល្លារ ដោយទុកប្រើប្រាស់សម្រាប់អនុវត្តពីឆ្នាំ២០២៥ ដល់ ឆ្នាំ២០២៩ ដែលជាការការវិនិយោគពីរដ្ឋាភិបាលកូរ៉េខាងត្បូង ជាមួយនឹងក្រសួងអប់កម្ពុជា៕
