បរិភោគអាហារប្រៃពេកអាចបង្កើនហានិភ័យនៃជំងឺធ្លាក់ទឹកចិត្ត និងថប់បារម្ភជាង ៤០ ភាគរយ

តើអំបិលជាធម្មតាអាចមានឥទ្ធិពលលើសុខុមាលភាពផ្លូវចិត្តរបស់អ្នកដែរឬទេ? យោងតាមការសិក្សាថ្មីៗនេះ ចម្លើយប្រកដណាស់វាជាការពិត។ អ្នកស្រាវជ្រាវបានរកឃើញទំនាក់ទំនងរវាងការទទួលទានអំបិលញឹកញាប់ និងការកើនឡើងហានិភ័យនៃជំងឺធ្លាក់ទឹកចិត្ត និងការថប់បារម្ភ។

ការសិក្សាដែលធ្វើឡើងដោយអ្នកវិទ្យាសាស្ត្រនៅសាកលវិទ្យាល័យវេជ្ជសាស្ត្រ Xinjiang ក្នុងប្រទេសចិន បានវិភាគទិន្នន័យសុខភាពពីមនុស្សពេញវ័យជនជាតិអង់គ្លេសជិតកន្លះលាននាក់។ ការរកឃើញនេះគឺគួរឱ្យភ្ញាក់ផ្អើលជាខ្លាំងគឺ អ្នកដែលបន្ថែមអំបិលជាញឹកញយទៅក្នុងអាហាររបស់ពួកគេ គឺប្រហែល៤០ភាគរយ ទំនងជាវិវត្តទៅជាជំងឺធ្លាក់ទឹកចិត្តឬការថប់បារម្ភបើប្រៀបធៀបទៅនឹងបុគ្គលដែលកម្រឬមិនដែលថែមសោះ។

ខណៈពេលដែលយន្តការពិតប្រាកដនៅតែមិនច្បាស់លាស់ អ្នកជំនាញស្នើឱ្យមានការពន្យល់ដែលអាចកើតមានឲ្យច្បាស់លាស់។ ទ្រឹស្ដីមួយគឺថាការទទួលទានអំបិលច្រើនហួសប្រមាណអាចពន្លឿនភាពចាស់នៃប្រព័ន្ធជីវសាស្ត្រ ដែលធ្វើឲ្យបុគ្គលម្នាក់ៗងាយប្រឈមនឹងបញ្ហាសុខភាពផ្លូវចិត្ត។ លទ្ធភាពមួយទៀតគឺថាអំបិលប៉ះពាល់ដល់អរម៉ូនគ្រប់គ្រងអារម្មណ៍របស់រាងកាយ រួមទាំង serotonin និង dopamine ដែលដើរតួនាទីយ៉ាងសំខាន់ក្នុងការរក្សាតុល្យភាពអារម្មណ៍។

ទោះជាយ៉ាងណាការសិក្សាបានរកឃើញទៀតថា អ្នកដែលបន្ថែមអំបិលក្នុងម្ហូបអាហារម្តងម្កាលអាចប្រឈមមុខនឹងហានិភ័យនេះតិចតួចប៉ុណ្ណោះ ប៉ុន្តែក៏ស្ថិតនៅក្នុងកម្រិតគួរឱ្យកត់សម្គាល់ផងដែរ ចាប់ពី ៥ភាគរយ ទៅ ៨ភាគរយ ។ ការរកឃើញទាំងនេះដែលត្រូវបានបោះពុម្ពផ្សាយនៅក្នុងទស្សនាវត្ដីផលប៉ះពាល់នៃជំងឺ ដែលបង្ហាញពីទំនាក់ទំនងដ៏គួរឱ្យចាប់អារម្មណ៍រវាងជម្រើសនៃរបបអាហារ និងសុខភាពផ្លូវចិត្ត។

ខណៈពេលដែលការស្រាវជ្រាវនេះកំពុងត្រូវការចម្លើយបន្ថែមទៀតដើម្បីបញ្ជាក់ពីមូលហេតុ ការសិក្សានេះប្រើជាកាក្រើនររំលឹកថាទម្លាប់ប្រចាំថ្ងៃតូចៗ ដូចជាការបន្ថែមអំបិលបន្តិចបន្តូចអាចនឹងមានឥទ្ធិពលទូយ៉ាងលំទូលាយជាងអ្វីដែលយើងបានដឹង។ ដូច្នេះ មុនពេលទទួលទានអាហារដែលមានជាតិដិតខ្លាំង អ្នកគួរពិចារណាជាមុនសិនថា របបអាហារដែលមានរសជាតិល្មមគឺជាជម្រើសដ៏ល្អបំផុតសម្រាប់សុខុមាលភាពទាំងផ្លូវកាយ និងផ្លូវចិត្តរបស់អ្នក៕