សុធារិទ្ធ និង លីនណា អតីតបេក្ខភាពឆ្នើមនៅក្នុងកម្មវិធីប្រកួតធ្វើម្ហូបដ៏ល្បីបានធ្វើឱ្យអ្នកលេងបណ្តាញសង្គមជាច្រើនជាពិសេសអ្នកស្រលាញ់សត្វចិញ្ចឹមមិនពេញចិត្តក្រោយអ្នកទាំងពីរបង្កើតមាតិកា នៅផ្លូវថ្មើរជើងភ្លក់ម្ហូបនៅចានថាជាសាច់ប្រភេទអ្វីដោយ Prank ថាជាសត្វឆ្មា។ មនុស្សជាច្រើនបានចូលទៅខម្មិនថាមិនគួរផលិតមាតិកាបែបនេះខណៈសន្ទុះនៃការរិះគន់ច្រើន សុធារិទ្ធ បានលុបវីដេអូរបស់ខ្លួនផងដែរ។
កំលោះសង្ហា សុធារិទ្ធ បានធ្វើឱ្យទស្សនិកជនជាច្រើនចាប់អារម្មណ៍ខ្លាំងបន្ទាប់ពីប្រកួតនៅក្នុងកម្មវិធី MasterChef Cambodia រដូវកាលទី៣ ដោយលោកបានជាប់នៅក្នុងកំពូល៥នាក់ចុងក្រោយផងដែរ។ បន្ទាប់ពីបញ្ចប់ការប្រកួត សុធារិទ្ធ បានបង្កើតមាតិកាធ្វើម្ហូបជាច្រើននៅលើបណ្តាញសង្គមខណៈវីដេអូចុងក្រោយដែលលោកបាន date នារីម្នាក់តាមApp នៅក្រៅប្រទេសគឺមានផ្ទុះការចាប់អារម្មណ៍ខ្លាំងមិនធម្មតា។
យ៉ាងណាមិញ នៅលើបណ្តាញសង្គមថ្មីៗនេះ សុធារិទ្ធ រួមទាំងបេក្ខនារីឆ្នើមដៃគូប្រកួតជាមួយគ្នានៅក្នុងកម្មវិធីគឺ លីនណា បានបង្កើតវីដេអូមួយនៅកន្លែងពេញនិយមបច្ចុប្បន្នគឺផ្លូវថ្មើរជើងមាត់ទន្លេប៉ុន្តែវីដេអូអ្នកទាំងពីរបង្កទៅជាការប្រតិកម្មពីមហាជនវិញ។ ក្នុងវីដេអូ សុធារិទ្ធ បានសាកឱ្យអ្នកដែលទៅកម្សាន្តមានទាំងអ្នកកាន់យួរសត្វឆ្មាផងភ្លក់សាច់នៅក្នុងចានហើយទាយថាជាសាច់អ្វីខណៈលោកបង្ហើយជាសត្វម៉េវ។ មួយក្នុងចំណោមដែល សុធារិទ្ធ Prank ថាជាសាច់សត្វឆ្មាបានធ្វើឱ្យមនុស្សទឹកភ្នែករលីញរលោងព្រោះនាងកំពុងយួរសត្វឆ្មាជាទីស្រលាញ់របស់ខ្លួនដើរកម្សាន្តជាមួយគ្នា។.jpg)
វីដេអូ Prank ថាជាសាច់ឆ្មា របស់ សុធារិទ្ធនិងលីនណា បានបង្កឱ្យអ្នកលេងបណ្តាញសង្គមប្រតិកម្មចូលទៅខម្មិនលើវីដេអូរបស់អ្នកទាំងពីរថាពុំគួរលេងសើចបែបនេះនោះទេ រឿងនេះមិនគួរយកមក Prank បែបនេះឡើយ។ ក្រោយពីមហាជនប្រតិកម្មយ៉ាងខ្លាំងនោះ សុធារិទ្ធ ក៏បានលុបវីដេអូរបស់ខ្លួនផងដែរ។
គួរបញ្ជាក់ផងដែរថា ទាក់ទងនឹងសត្វចិញ្ចឹមដូចជាឆ្មានិងឆ្កែ ត្រូវបានមហាជនប្រតិកម្មជារឿយៗប្រសិនជាមានអ្វីខុសពីធម្មតាធ្វើបាបសត្វ។ ជាក់ស្តែងកន្លងមកនេះផលិតកម្ម LD ក៏រងនូវការរិះគន់ចាស់ដៃដូចគ្នាដោយសារតែសត្វឆ្មា៕
