Park Bo Gum ជាសិល្បករពហុជំនាញ ខណៈ១៤ឆ្នាំនៃអាជីពមិនដែលប្រកាសមានស្នេហា

ក្នុងតួនាទីសម្តែងចុងក្រោយនេះជាមួយនឹងតារាចម្រៀងនិងសម្តែង IU តារាសម្តែង Park Bo Gum ទទួលបាននូវការចាប់អារម្មណ៍កាន់តែខ្លាំងពីសាធារណជនទៅលើទេពកោសល្យរបស់លោក។ មិនត្រឹមតែការសម្តែង Park Bo Gum គឺជាសិល្បករពហុជំនាញម្នាក់នៅក្នុងឧស្សាហកម្មកូរ៉េខណៈក្នុងរយៈពេល១៤ឆ្នាំនៃអាជីពលោកមិនដែលប្រកាសពីទំនាក់ទំនងស្នេហាជាសាធារណៈម្តងណាឡើយ។

ក្នុងតួនាទីជា Gwan Sik Park Bo Gum ត្រូវបានគេសរសើរចំពោះឈុតដែលបង្ហាញពីជម្រៅអារម្មណ៍ដូចជាឈុតពីសមុទ្រទៅច្រាំងយ៉ាងម៉ឺងម៉ាត់ ដោយបន្សល់ទុកនូវក្តីស្រមៃចង់ក្លាយជាអត្តពលិក នៅពេលដែលលោកបានឮការហៅរបស់ Ae Sun ឬឈុតដែលលោកនៅស្ងៀមពេលឮដំណឹងមរណភាពរបស់កូនប្រុសពៅរបស់ខ្លួន។

ងាកមកប្រវត្តិវិញ តារាសម្តែង Park Bo Gum ជាកូនពៅក្នុងចំណោមកូន៣នាក់។ ដោយបង្ហាញពីសមត្ថភាពច្រៀង និងលេងព្យាណូតាំងពីកុមារភាព Park Bo Gum មានក្តីស្រមៃចង់ក្លាយជាអ្នកចម្រៀង។ នៅអាយុ ១១ ឆ្នាំកុមារា Park Bo Gum បានធ្វើសវនកម្មឱ្យក្រុមហ៊ុនកម្សាន្តជាច្រើនដូចជា SM, JYP និង YG ។ ទោះជាយ៉ាងណាក៏ដោយ SidusHQ ដែលជាក្រុមហ៊ុនគ្រប់គ្រងតារាសម្តែងបានទាក់ទង Park Bo Gum ជាមុនសិន។ លោកបានសម្រេចចិត្តចុះកិច្ចសន្យា ហើយនៅទីនេះ តារាសម្តែងបានរកឃើញទេពកោសល្យសម្តែងលាក់កំបាំងរបស់ខ្លួន។

ឈ្មោះរបស់ Park Bo Gum រះឡើងជាមួយនឹងតួនាទីជា Choi Taek នៅក្នុងរឿងភាគ «Reply 1988» ឆ្នាំ២០១៥។ ក្នុងនាទីនេះ តារាសម្ដែង Park Bo Gum បានបន្សល់ទុកនូវចំណាប់អារម្មណ៍លើទស្សនិកជនជាមួយនឹងស្នាមញញឹមដ៏គួរឱ្យស្រលាញ់របស់លោក។ បន្ទាប់ពីជោគជ័យនៃ «Reply 1988» Park Bo Gum បានធ្វើឱ្យមានការចាប់អារម្មណ៍នៅពេលដែលលោកបានចូលរួមក្នុងរឿងប្រវត្តិសាស្ត្រ «Love in the Moonlight» ក្នុងឆ្នាំ ២០១៦ ។ ក្រៅពីការសម្ដែង Park Bo Gum បានសម្ដែងបទចម្រៀងក្នុងរឿង My Person ដោយសម្រេចបានស្នាដៃតន្ត្រីឌីជីថលខ្ពស់។

នៅក្នុងបទសម្ភាសន៍ជាមួយទស្សនាវដ្តី Elle ក្នុងខែវិច្ឆិកា ឆ្នាំ២០១៦ តារាប្រុសវ័យ៣២ឆ្នាំរូបនេះបាននិយាយថា ដំបូងឡើយលោកមានអារម្មណ៍ព្រួយបារម្ភ និងសម្ពាធ។ តារាសម្តែង Park Bo Gum បានសុំជំនួយពី Song Joong Ki ដើម្បីរៀនពីបទពិសោធន៍របស់លោក ហើយបានទទួលដំបូន្មានថា «គ្រាន់តែមានទំនុកចិត្ត និងរីករាយក្នុងការធ្វើការងាររបស់អ្នកឱ្យបានល្អ»។

ក្រៅពីទេពកោសល្យច្រៀង និងសម្ដែង Park Bo Gum ក៏ជាអ្នកហែលទឹកផងដែរ។ លោកស្ថិតនៅក្នុងក្រុមហែលទឹកនៃវិទ្យាល័យ Mokdong ក្នុងទីក្រុងសេអ៊ូល (ប្រទេសកូរ៉េ) ដោយបន្តឈ្នះពានរង្វាន់ក្នុងការប្រកួតនានា។

ក្នុងរយៈពេល ១៤ឆ្នាំនៃការធ្វើការនៅក្នុងអាជីពសិល្បៈ Park Bo Gum មិនដែលប្រកាសជាសាធារណៈនូវព័ត៌មានស្នេហាណាមួយឡើយ។ នៅក្នុងបទសម្ភាសន៍ជាមួយ ទស្សនាវដ្តី Elle Korea ក្នុងខែកញ្ញា ឆ្នាំ២០២៤ Park Bo Gum បាននិយាយថា ពេលវេលាដ៏រុងរឿងបំផុតសម្រាប់តារាសម្តែងគឺ «នៅពេលដែលការងាររបស់ខ្ញុំត្រូវបានគេស្រលាញ់ ហើយមនុស្សចងចាំឈ្មោះតួអង្គដែលខ្ញុំបានលេង»។

ក្នុងឆ្នាំ ២០១៩ Park Bo Gum បានជាប់ចំណាត់ថ្នាក់ទី ១៨ ក្នុងបញ្ជីរបស់ Forbes Korea នៃតារាដែលមានឥទ្ធិពលបំផុតទាំង ៤០ ។ បីឆ្នាំក្រោយមក លោកបានក្លាយជាទូតសុឆ្ទន្ឆៈរបស់ Celine ។ លើសពីនេះតារាសម្ដែងបានសហការជាមួយម៉ាកយីហោធំៗជាច្រើនធ្វើជាគំរូសម្រាប់ការផ្សាយពាណិជ្ជកម្ម។ បច្ចុប្បន្ន Park Bo Gum ស្ថិតក្រោមការគ្រប់គ្រងរបស់ THEBLACKLABEL ៕