ភាពចម្រូងចម្រាសចុងក្រោយបំផុតនៅក្នុងឧស្សាហកម្មកម្សាន្តកូរ៉េកំពុងរីករាលដាលដូចជាភ្លើងឆេះព្រៃ និងបង្កឱ្យមានការពិភាក្សាជាច្រើននៅលើប្រព័ន្ធផ្សព្វផ្សាយទាក់ទងនឹងតាសម្តែង Kim Soo Hyun ។ ថ្មីៗនេះប្រធានបានឈានទៅដល់អតីតតារាស្រី Sulli ដែលបានបាត់បង់ជីវិតដោយសារការធ្វើអត្តឃាតកាលពីឆ្នាំ២០១៩ បន្ទាប់ពីបងប្រុសរបស់នាងបានបង្ហោះប្រយោគមួយខណៈ Kim Soo Hyun និង Sulli ធ្លាប់សម្តែងរឿងជាមួយគ្នាហើយមានឈុតស្រើបស្រាលក្នុងឆ្នាំ២០១៧ មានចំណងជើងថា «Real»។.png)
បងប្រុសរបស់ Sulli បង្ហោះសារសម្ងាត់នៅលើ Instagram ដោយមិនបានដាក់ឈ្មោះជាក់លាក់នោះទេប៉ុន្តែត្រូវបានអ្នកនិយមលេងអ៊ីនធឺណិតសង្ស័យថាគឺជា Kim Soo Hyun ហើយបានធ្វើឱ្យមានការភ្ញាក់ផ្អើលយ៉ាងខ្លាំង។ សហគមន៍អនឡាញបានសន្និដ្ឋានយ៉ាងឆាប់រហ័សថា «Kim-ssi» អាចសំដៅលើ Kim Soo Hyun ដោយលោកបានសរសេរថា «Mr.Kim ខ្ញុំមានរឿងជាច្រើនដែលត្រូវនិយាយ ប៉ុន្តែខ្ញុំមិនអាចទេ។ អ្នកនឹងធ្លាក់ពីតំណែងខ្ពស់របស់អ្នក ដូច្នេះ អ្នក កាន់វាឱ្យជាប់»។
គួរឱ្យដឹងថាចេញផ្សាយខ្សែភាពយន្ត «Real» ត្រូវបានគេរិះគន់យ៉ាងខ្លាំងទោះបីជាវាត្រូវបានផ្សព្វផ្សាយថាជាការផ្លាស់ប្តូរការសម្ដែងដ៏ក្លាហានរបស់ Sulli ក៏ដោយ ក៏ខ្សែភាពយន្តនេះបានធ្វើឱ្យមានការរិះគន់ ជាពិសេសចំពោះ Sulli ដែលទទួលបានការរិះគន់យ៉ាងច្រើនលើសលប់ដោយសារតែឈុតលើគ្រែរបស់នាងជាមួយ Kim Soo Hyun ។ ទោះជាយ៉ាងណាក៏ដោយ អ្វីដែលធ្វើឱ្យអ្នកគាំទ្រខឹងជាងគេគឺភាពស្ងៀមស្ងាត់របស់ Kim Soo Hyun និងក្រុមការងារផលិតភាពយន្ដ ដែលមិនខិតខំប្រឹងប្រែងនិយាយ ឬការពារ Sulli ចំពេលមានការវាយលុកនៃការស្អប់ជាសាធារណៈ។
ខ្សែភាពយន្តនេះត្រូវបានដឹកនាំដោយ Lee Sa Rang ដែលគេជឿថាជាបងប្អូនបង្កើតរបស់ Kim Soo Hyun និងជាសហស្ថាបនិកនៃ Gold Medalist ដែលជាភ្នាក់ងារបច្ចុប្បន្នរបស់ Kim Soo Hyun ។
ទំនាក់ទំនងនេះគ្រាន់តែធ្វើឱ្យមានការសង្ស័យថា Sulli ប្រហែលជាត្រូវបានទុកឱ្យប្រឈមមុខនឹងការធ្លាក់ចេញពីខ្សែភាពយន្តតែម្នាក់ឯងទាំងស្រុង។ ខណៈពេលដែលមិនមានការបញ្ជាក់ថាតើការបង្ហោះនេះគឺសំដៅទៅលើអ្នកណាពិតប្រាកដនោះបានធ្វើឱ្យមានបន្តការពិភាក្សាដល់អតីតតារាចម្រៀងនិងសម្តែង Sulli ដែលនាងបានបន្សល់ទុកស្នាដៃចុងក្រោយរបស់នាងលើខ្សែភាពយន្តខាងលើនេះខណៈនាងសម្រេចចិត្តធ្វើអត្តឃាតនៅឆ្នាំ២០១៩ ក្នុងវ័យ២៥ឆ្នាំ៕
