ដូចទស្សនិកជនមួយចំនួនធំជ្រាបមកហើយថាតារារ៉េប វណ្ណដា ទើបបានបង្ហាញស្នាដៃថ្មីមានការសហការ៥ប្រទេសហើយលោកបានបង្ហាញប្រាសាទខ្មែរនិងសត្វដំរីនៅក្នុង MV យ៉ាងស្រស់ស្អាត។ លើសពីនេះទៅទៀតតាមរយៈសកម្មភាពក្រៅឆាក វណ្ណដា គឺមានការហ្មត់ចត់នឹងការងារដែលខ្លួនធ្វើទើបចេញការងារមកមួយៗមិនធ្វើឱ្យហ្វេនខកចិត្ត។
ថ្មីៗនេះអ្នកលេងទិកតុកបានចែករំលែកវីដេអូខ្លីពីសកម្មភាពក្រៅឆាកនៃការថត MV «ASIAN STATE OF MIND» ដែលសហការយ៉ាងអស្ចារ្យមួយពីតារាចម្រៀងតំណាងកម្ពុជា ជប៉ុន កូរ៉េខាងត្បូង ចិននិងឥណ្ឌា ខណៈការច្រៀងរបស់ វណ្ណដា គឺចុងបញ្ចប់គេដោយភ្ជាប់មកជាមួយនឹងទស្សនីយភាពយ៉ាងស្រស់ស្អាតពីប្រាង្គប្រាសាទខ្មែរ សត្វដំរី រួមទាំងទិដ្ឋភាពផ្សេងទៀតនៅខេត្តសៀមរាប។
តាមរយៈសកម្មភាពក្រៅឆាកនៃការថតបទខាងលើនេះ ទស្សនិកជនបានឃើញថា វណ្ណដា ថតរួចគឺមកត្រួតពិនិត្យឡើងវិញចំពោះការសម្តែងរបស់ខ្លួនប្រកបដោយភាពយកចិត្តទុកដាក់ខ្ពស់។ សកម្មភាពនេះអ្នកលេងទិកតុកបានចូលខម្មិនថា «រឿងការងារមួយគឺគាត់ហ្មត់ចត់ណាស់, នៅពេលគាត់ខំប្រឹងមិនសូវមានអ្នកមើលឃើញ មានតែអ្នកចាប់កំហុស ព្រោះតែIdolរៀងខ្លួន បែរជាទាញ់ទម្លាក់ខ្មែរគ្នាឯងរឿងក្នុងផ្ទះតែតាមជាន់ឆ្លងប្រទេស, គេថា VD បានផលិតកម្មយោងតែ MV VD តែងតែពិនិត្យលើគុណភាពអត់ចេះ flow ដដែលៗ,ហ្មត់ចត់ណាស់….»។
ជាមួយនឹងការសហការនេះ មិនត្រឹមតែបង្ហាញពីសម្បត្តិបេតិកភណ្ឌខ្មែរប៉ុណ្ណោះទេ សូម្បីតែរឿងសំលៀកបំពាក់ក្នុងការថត MV វណ្ណដា ក៏បានជ្រើសរើសសូត្រខ្មែរច្នៃយ៉ាងស្រស់ស្អាតតាមបែបសហសម័យ។
គួរបញ្ជាក់ផងដែរថា វណ្ណដា ក៏ត្រៀមទម្លាក់អាល់ប៊ុមទី៣របស់ខ្លួននាពេលឆាប់ៗខាងមុខនេះ ថែមទាំងបង្ហាញពីការសហការជាមួយតារាហ៊ីបហបល្បីប្រចាំប្រទេសថៃ Youngohm ផងដែរ៕
