តារាសម្ដែងស្រីចិន Zhao Lusi បានបង្កឱ្យអ្នកលេងបណ្តាញសង្គមចិនបញ្ចេញមតិវែកញែកក្រោយពីរូបភាពរបស់នាងឡើងលើជម្រាលភ្នំដ៏ចោតក្នុងទីបេចំពេលមានបញ្ហាសុខភាព។ ទស្សនិកជនចិនជាច្រើនបញ្ចេញមតិថា Zhao Lusi បានប្រើជំងឺរបស់ខ្លួនដើម្បីទីផ្សារខ្លួនឯង។
ដកស្រង់ពីសារព័ត៌មានចិន QQ បានរាយការណ៍ថា ការធ្វើដំណើររបស់ Zhao Lusi ទៅកាន់ទីបេ គឺដើម្បីសប្បុរសធម៌។ ការប្រកាសនេះបានក្លាយជាប្រធានបទដ៏ក្តៅគគុកយ៉ាងឆាប់រហ័សនៅលើ Weibo ប៉ុន្តែ ទទួលបានប្រតិកម្មចម្រុះ។ ដោយសារតែ Zhao Lusi ធ្លាប់មានជំងឺ ទើបនាងផ្អាកថតរឿងជាបណ្ដោះអាសន្ន។ ក្រៅពីនេះ មនុស្សជាច្រើនមានការភ្ញាក់ផ្អើលនៅពេលដែល Zhao Lusi សម្រេចចិត្តប្រើប្រាស់ដំណើរកម្សាន្តសប្បុរសធម៌ដើម្បីព្យាបាលជំងឺរបស់នាងជាឧបករណ៍រកលុយ។ 
មហាជនជាច្រើនបានរិះគន់តារាស្រីរូបនេះ ថាបានប្រើជំងឺរបស់ខ្លួន ដើម្បីទីផ្សារខ្លួនឯង ធ្វើឱ្យមានការងឿងឆ្ងល់ជាខ្លាំង ដើម្បីទាក់ទាញការចាប់អារម្មណ៍ជាច្រើនថ្ងៃ បែរជាឆ្លៀតយករឿងហេតុដើម្បីផលប្រយោជន៍ផ្ទាល់ខ្លួន។ ប្រភពដដែលបញ្ជាក់ទៀតថា ការផ្អាកការថតរឿង Almost Lover ធ្វើឱ្យក្រុមផលិតភាពយន្តរងការខាតបង់ជាច្រើន។ ទោះបីជាយ៉ាងណា នៅពេលដែលនាងមានសុខភាពល្អ នាងមិនបានត្រឡប់មកថតរឿងដែលនៅសល់នោះវិញទេ ផ្ទុយទៅវិញ តារាស្រីរូបនេះបានឡើងភ្នំដើម្បីថតកម្មវិធីកម្សាន្ត។ ទោះបីជាគោលបំណងនៃការធ្វើដំណើររបស់ Zhao Lusi ល្អក៏ដោយ ប៉ុន្តែនៅលើបណ្តាញសង្គមមានមតិជាច្រើនថានាង «ធ្វើពុត» និង «សម្តែង» ដើម្បីទទួលបានការអាណិតអាសូរជាសាធារណៈ។ 
យ៉ាងណាមិញ រាល់សកម្មភាពរបស់ Zhao Lusi ទទួលបានការរិះគន់ច្រើន។ អាចនិយាយបានថានាងត្រូវគេស្អប់ជាងមុនពេលឈប់សម្រាកឈឺទៅទៀត។ សាធារណជនជឿថារឿងអាស្រូវរបស់ Zhao Lusi បានជះឥទ្ធិពលអវិជ្ជមានដល់អ្នកជំងឺដែលមានជំងឺធ្លាក់ទឹកចិត្តពិតប្រាកដ។ ជំងឺនេះមិនងាយនឹងព្យាបាលទេ ប៉ុន្តែតារាស្រីរូបនេះបានធ្វើបែបសាមញ្ញ និងងាយស្រួលជាសះស្បើយក្រោយព្យាបាលបាន៣ខែ។
នៅក្នុងខែធ្នូ ឆ្នាំ២០២៤ វីដេអូដែល Zhao Lusi ត្រូវបានគេរុញចូលទៅក្នុងមន្ទីរពេទ្យបានរីករាលដាលនៅលើអ៊ីនធឺណិត។ ក្រោយមកក្រុមរបស់នាងបាននិយាយថា នាងមានបញ្ហាសុខភាពមុនពេលចូលមន្ទីរពេទ្យ ហើយបានបញ្ឈប់សកម្មភាពទាក់ទងនឹងការងារទាំងអស់ ដើម្បីផ្តោតលើការជាសះស្បើយរបស់នាង។ បន្ទាប់មក Zhao Lusi បានពិភាក្សាដោយបើកចំហអំពីការតស៊ូរបស់នាងជាមួយនឹងជំងឺធ្លាក់ទឹកចិត្ត ដោយអះអាងថាវាបានចាប់ផ្តើមជាច្រើនឆ្នាំមកហើយ។ តារាស្រីរូបនេះបានបង្ហាញខ្លួនជាសាធារណៈលើកដំបូងចាប់តាំងពីនាងចូលមន្ទីរពេទ្យកាលពីចុងខែមករា ក្នុងព្រឹត្តិការណ៍មួយនៅទីក្រុង Chengdu ប្រទេសចិន៕
