ជឿជាក់ថាប្រិយមិត្តប្រាកដជាស្គាល់ Camila Cabello ហើយដែលនាងគឺជាតារាចម្រៀងដ៏ល្បីល្បាញម្នាក់របស់សហរដ្ឋអាមេរិក បានប្រាប់ពីគន្លឹះថែរក្សាស្បែកឱ្យមានសុខភាពល្អ ដើម្បីទទួលបានស្បែកស្អាត ចាំ និងក្មេងជាងវ័យ។ 
នៅក្នុងកម្មវិធីមួយតារាវ័យ ២៧ ឆ្នាំរូបនេះបាននិយាយថា ដើម្បីទទួលបានស្បែកស្អាត និងមានសុខភាពល្អ នាងតែងតែអនុវត្តគន្លឹះដូចខាងក្រោម៖
១.កំណត់ការតុបតែងមុខ៖ នៅពេលដែលមិនចាំបាច់ Camila គឺតែងរក្សាមុខរបស់នាងឱ្យនៅទទេ ដើម្បីជួយឱ្យស្បែករបស់នាងសម្រាក និងកាត់បន្ថយបន្ទុក។ តារាស្រីរូបនេះក៏តែងតែរំលឹកខ្លួនឯងឱ្យផឹកទឹកឱ្យបានច្រើន បន្ថែមបន្លែបៃតង និងផ្លែឈើស្រស់ៗឱ្យបានច្រើន ដើម្បីជួយឱ្យស្បែកមានសុខភាពល្អ និងស្រស់ស្អាតពីខាងក្នុងផងដែរ។
២.លាងសម្អាតមុខជាមួយប្រេងអូលីវ៖ នៅពេលបញ្ចប់ពីការងារតារាស្រីវ័យ ២៧ ឆ្នាំររូបនេះតែងតែងលុបគ្រឿងសម្អាងចេញ និងបន្ថែមប្រេងអូលីវបន្តិចដើម្បីលាងសម្អាតមុខ។ Camila បាននិយាយថា នាងចូលចិត្តប្រើប្រេងអូលីវ ដើម្បីម៉ាស្សាស្បែក និងផ្តល់សំណើមដល់មុខ។ ប្រេងនេះគឺមានសមត្ថភាពផ្តល់សំណើមខ្ពស់ និងផ្តល់នូវសារធាតុប្រឆាំងអុកស៊ីតកម្ម ក៏ដូចជាវីតាមីន E ជាច្រើនដើម្បីជួយឱ្យស្បែកទន់រលោង និងស្រស់ស្អាតពីខាងក្នុង។
៣.លាបឡេការពារកម្តៅថ្ងៃជាប្រចាំ៖ តារាស្រីជនជាតិអាមេរិករូបនេះធ្លាប់ប្រាប់ថា នាងតែងតែលាបឡេការពារកម្ដៅថ្ងៃជានិច្ច ទោះបីនៅក្នុងផ្ទះក៏ដោយ ហើយនៅពេលចេញក្រៅផ្ទះក៏នាងនៅតែលាបឡេការពារកម្តៅថ្ងៃពីរបីស្រទាប់ផងដែរ ដើម្បីការពារស្បែកពីកាំរស្មីយូវី ។ ការខូចគុណភាពស្បែកដោយសារឥទ្ធិពលនៃកាំរស្មីអ៊ុលត្រាវីយូឡេ គឺអាចបណ្តាលឱ្យខូចស្បែក និងធ្វើឱ្យមានស្នាមជ្រីវជ្រួញ ដូច្នេះ Camila តែងតែងលាបឡេការពារកម្តៅថ្ងៃជារៀងរាល់ថ្ងៃ៕
