ទស្សនិកជនមួយចំនួនមិនពេញចិត្តចំពោះវត្តមាន Will Smith នៅក្នុងកម្មវិធីប្រគល់ពានរង្វាន់ Grammy

ទស្សនិកជនជាច្រើនបានតវ៉ាចំពោះការចូលរួមរបស់ Will Smith ក្នុងកម្មវិធី Academy Awards បន្ទាប់ពីលោកបានទះកំផ្លៀង Chris Rock ក្នុងកម្មវិធី Oscar ឆ្នាំ ២០២២។

ប្រភពពី Daily Mail បានឱ្យដឹងថាការបង្ហាញខ្លួនរបស់តារាសម្តែង Will Smith ក្នុងកម្មវិធី Grammys កាលពីថ្ងៃទី២ ខែកុម្ភៈ ទទួលបានការរិះគន់ជាច្រើន។ អ្នកទស្សនាភាគច្រើនគិតថា Will Smith មិនសមនឹងចូលរួមក្នុងពិធីប្រគល់ពានរង្វាន់នោះទេ ដោយសារតែអាកប្បកិរិយាហឹង្សារបស់លោកចំពោះមិត្តរួមការងារ។ នៅឯកម្មវិធី Oscars ឆ្នាំ ២០២២ Will Smith បានទះកំផ្លៀង Chris Rock សម្រាប់ការលេងសើចនឹងរូបរាងរបស់ភរិយារបស់ខ្លួនគឺតារាសម្តែង Jada Pinkett Smith នៅលើឆាក។ បន្ទាប់មកលោកត្រូវបានហាមប្រាម ពី Academy Awards រយៈពេល ១០ ឆ្នាំ ប៉ុន្តែនៅតែមានឱកាសក្នុងការតែងតាំង ឬឈ្នះពានរង្វាន់អូស្ការ។

ឥឡូវនេះមនុស្សជាច្រើនកំពុងបង្ហោះវីដេអូរបស់ Will Smith ទះកំផ្លៀង Chris Rock ដោយចោទជាសំណួរថាហេតុអ្វីបានជាអ្នករៀបចំកម្មវិធី Grammy អញ្ជើញលោកឱ្យចូលរួម។ គណនីមួយចំនួនបានសរសេរថា «Will Smith គឺជាសិល្បករដ៏អស្ចារ្យនៅក្នុងវិស័យជាច្រើន។ ប៉ុន្តែនៅពេលដែលគាត់វាយប្រហារមិត្តរួមការងារម្នាក់ទៀតហើយនៅលើឆាកគាត់មិនសមនឹងបង្ហាញខ្លួននៅក្នុងកម្មវិធី Grammys និងមានមតិយោបល់ជាច្រើនទៀតបច្ចុប្បន្ន អ្នករៀបចំកម្មវិធី និងសិល្បករមិនទាន់ធ្វើអត្ថាធិប្បាយជុំវិញបញ្ហានេះទេ។

កម្មវិធី Grammys ឆ្នាំនេះ សម្គាល់ការបង្ហាញខ្លួនលើកដំបូងរបស់ Will Smith ក្នុងពិធីប្រគល់ពានរង្វាន់ធំមួយ ចាប់តាំងពីរឿងអាស្រូវ។ មិនត្រឹមតែលោកប៉ុណ្ណោះទេចូលរួមកម្មវិធីខាងលើនេះកូនប្រុសនិងកូនស្រីរបស់លោកក៏បានចូលរួមដូចគ្នា ខណៈ Jaden Smith អាយុ ២៧ឆ្នាំ បានធ្វើឱ្យទស្សនិកជនមានការចាប់អារម្មណ៍យ៉ាងខ្លាំងពេលបានពាក់មួករាងដូចអគារទៅកាន់កម្មវិធី Grammy Awards នេះ៕