្រទេសចិន ៖ កាលពីថ្ងៃទី២៧ ខែមករា ឆ្នាំ២០២៥ សារព័ត៌មាន South China Morning Post រាយការណ៍ថា ប្រទេសចិនទទួលបានជោគជ័យក្នុងការសាកល្បងឆ្កែយន្ត (Robot Dog) នៅកន្លែងត្រជាក់បំផុត គឺទ្វីបអង់តាកទិកដែលមានសីតុណ្ហភាពទាបរហូតដល់ -៤០អង្សាសេ ។ ក្រុមអ្នកសាកល្បងបានយកកៅស៊ូមករុំជើងឆ្កែយន្តដើម្បីការពារកុំឱ្យវារអិលពេលដើរលើទឹកកក ហើយពួកគេបានសាកល្បងឱ្យវាលើកវត្ថុមានទម្ងន់រហូតដល់១០០គីឡូក្រាម ។https://blogger.googleusercontent.com/img/b/R29vZ2xl/AVvXsEi8hUF5RmBsKkjtcHaBye_MYhAHYXZXY-1mPxS0UMyYj9uIF-lk6p9BmqhpdUu3mtSOCBZ4OyjkYyL3aVAZFU0HGT-mrkNGmtsjTU_KFMX4bKmUHry9tetcLHE3o2PGL2CX2SrQmZhEo0q-TkZR8N31F8KWfIlZtZ3OyT7E68BFw2-9Gs5a_DrTa7oRL8VF/s800/image_2025-02-03_09-03-08%20(2).png

ភាពជោគជ័យនេះនឹងធ្វើឱ្យប្រទេសចិនអាចប្រើប្រាស់ឆ្កែយន្តសម្រាប់ការស្រាវជ្រាវនៅទ្វីបអង់តាកទិកយ៉ាងមានប្រសិទ្ធភាព ព្រមទាំងប្រើប្រាស់ទិន្នន័យស្រាវជ្រាវសម្រាប់ឱ្យឆ្កែយន្តអភិវឌ្ឍន៍សមត្ថភាពបំពេញភារកិច្ចនៅកន្លែងស្មុគស្មាញ និងការងារចម្រុះ នាថ្ងៃអនាគត ។
https://blogger.googleusercontent.com/img/b/R29vZ2xl/AVvXsEhzjRirY7SH-pgCvIP-ePIoma_idyaG5x9WO2vsarH5zXRSBX7CrwpVu8gX4-mR9IkWM9D6Vgv1_uyqI-epL-Ub2FhWJNVVa4ygF4jt4YUvjoPWDQ4EUM0kz9CKA36raCYEKBKOS81dDylfRqQdxvBBkVQlWE78ZxJxi0NrkFTeEUPASG4_9A7Dd5_vHLnQ/s1078/image_2025-02-03_09-03-08%20(3).png
ឆ្កែយន្តនេះមានជើងចំនួន៦ ដែលផលិតដោយសាកលវិទ្យាល័យ Shanghai Jiao Tong សហការជាមួយក្រុមហ៊ុន Lenovo ក្នុងគោលបំណងសម្រាប់ការស្រាវជ្រាវផ្នែកវិទ្យាសាស្ត្រ, ត្រួតពិនិត្យកន្លែងគ្រោះថ្នាក់ និងថែទាំមនុស្សចាស់ ។ ឆ្កែយន្តត្រូវបានបំពាក់ដោយឧបករណ៍ទំនើបៗ និងបច្ចេកវិទ្យា AI ដើម្បីអាចប្រើប្រាស់បានច្រើនមុខងារ ។

ក្រុមអ្នកសាកល្បងបានយកឆ្កែយន្តទៅធ្វើតេស្តនៅកន្លែងស្រាវជ្រាវក្នុងតំបន់អង់តាកទិក Zhongshan ហើយក្រោយការធ្វើតេស្តឃើញថា វាអាចធ្វើការរហូតដល់ជាង៤ម៉ោងក្នុងសីតុណ្ហភាពទាបខ្លាំង ស្មើនឹង-៤០អង្សាសេ ។ វាថែមទាំងអាចត្រួតពិនិត្យស្នាមប្រេះទឹកកក និងបញ្ជូនឧបករណ៍ផ្សេងៗ ។https://blogger.googleusercontent.com/img/b/R29vZ2xl/AVvXsEh08iiO-hmTX-aFPIhWQbIGmeCd0QhQ12YVgYnuIxU-pVlEcYOVn1VxPU8sNvlsL8NMvXVz4tmcVLe5OqiqLY4uq9F86wAMx893labkdOnYs97k_ikz6uqIx_Z6tcdOcu5LsF9l7_r6IXiufHlSu-07j3yn6zY0M-Zz82_7Ne5AfE8PyZjjIviszB3xt7TO/s700/image_2025-02-03_09-03-08.png

ក្រោយការស្រាវជ្រាវផ្នែកវិទ្យាសាស្ត្រឃើញថា ប្រទេសចិននឹងអាចប្រើប្រាស់ឆ្កែយន្តនេះសម្រាប់ការត្រួតពិនិត្យក្នុងរោងចក្រថាមពល ដោយសារវាអាចដើរនៅកន្លែងលំបាក ឬកន្លែងគ្រោះថ្នាក់ផ្សេងៗ ។ លើសពីនេះ ការប្រើប្រាស់បច្ចេកវិទ្យា AI បានជួយបង្កើនសមត្ថភាពឆ្កែយន្តអាចថែទាំមនុស្សចាស់ទៀតផង ។https://blogger.googleusercontent.com/img/b/R29vZ2xl/AVvXsEjRBFnZv2pCylTawoJ401elL5D6VmlHJeMPOhmBJEDeoeDUZVP8FizI7EKGPqPrcFX2PgT5HU6H_L1uhZMy_dsozaIHSO3vrJRWY-yeF3WUOz8eBvUcCvb5LDbN84UPFDL-7J2jtZFceJhteZIwuMQaTaIHng2uKZQYfTwNrx5FPryKcvSCViZOtTSIGmAU/s1024/image_2025-02-03_09-03-09.png

ចំណុចសំខាន់បំផុតក្នុងការប្រើប្រាស់បច្ចេកវិទ្យា AI ជាមួយឆ្កែយន្តជើង៦ គឺការមានគំរូសំឡេងខ្នាតធំ, ការចងចាំបរិយាកាសនៅជុំវិញដើម្បីអភិវឌ្ឍន៍សមត្ថភាពមើលឃើញ និងការយល់ដឹងពីកាយវិការរបស់មនុស្ស ។ ឆ្កែយន្តអាចធ្វើជាមិត្តភក្តិរបស់មនុស្ស និងជួយមនុស្សចាស់ ដូចជា ៖ ប្រាប់ផ្លូវ ឬទំនាក់ទំនងជាមួយអាជ្ញាធរករណីមានអាសន្នកើតឡើង ។ នេះបើតាមការលើកឡើងរបស់អ្នកជំនាញផ្នែកវិស្វកម្មមេកានិកនៃសាកលវិទ្យាល័យ Shanghai Jiao Tong ៕