វីដេអូរបស់ Yoo Yeon Seok និង Chae Soo Bin ធ្វើឱ្យហ្វេនៗមើលហើយញញឹមបិទមាត់មិនជិត

Yoo Yeon Seok និង Chae Soo Bin តួឯកក្នុងរឿងភាគកូរ៉េ When The Phone Rings ដែលកំពុងក្រសោបភាពល្បីល្បាញយ៉ាងខ្លាំងបានធ្វើឱ្យហ្វេនៗញញឹមបិទមាត់មិនជិតបន្ទាប់ពីឃើញវីដេអូក្រៅឆាកការសម្តែងរបស់អ្នកទាំងពីរដែលមិនបានបង្ហាញក្នុងរឿងខណៈតួឯកប្រុសបានបង្ហោះវីដេអូដ៏គួរឱ្យស្រលាញ់មួយជាមួយតួឯកស្រីនៅលើបណ្តាញសង្គម Instagram ។

Yoo Yeon Seok ឬជា Baek Sa Eon បានបង្ហោះវីដេអូមួយកាលពីថ្ងៃទី២៤ ដែលលោកនិងតារាសម្តែងChae Soo Bin ឬ Hong Hee Joo ដោយអ្នកទាំងពីរបានធ្វើវីដេអូ Cat Challenge នៅលើដងទន្លេហាន ដែលបង្ហាញឱ្យទស្សនិកជនឃើញពីភាពស៊ីចង្វាក់គ្នារបស់អ្នកទាំងពីរក្នុងរូបភាពគួរឱ្យស្រលាញ់ទាំងគូ បង្ហាញជាភាសាសញ្ញាជាមួយការលេងសើចរបស់ពួកគេ។ វីដេអូដែលហាក់ដូចជាត្រូវបានគេថតនៅក្នុងឈុតរបស់ភាគទី៧ បានឆក់យកបេះដូងអ្នកគាំទ្រ។ អ្នកគាំទ្របានបញ្ចេញមតិថា គូស្នេហ៍ដែលគួរឱ្យស្រលាញ់ជាងគេក្នុងរឿង kdrama។ Hee Joo ពិតជាគួរឱ្យស្រលាញ់ណាស់ ,ពានរង្វាន់គូស្នេហ៍ល្អបំផុត ,គូស្នេហ៍ K-drama ដែលគួរឱ្យស្រឡាញ់បំផុត និងអ្នកខ្លះថាមិនចង់ឱ្យមានតែ១២ភាគទេ»។

វីដេអូមួយទៀតដែលធ្វើឱ្យហ្វេនៗមើលហើយញញឹមបិទមាត់មិនជិតគឺបានឃើញពីឈុតក្រៅឆាកដែលតួស្រីញុំាអាហារជាប់មាត់ត្រូវបានតួឯកប្រុសយកដៃទៅជូតចេញស្រាប់តែយកគ្រាប់បាយដែលជាប់នៅមាត់តួឯកស្រីមកដាក់ក្នុងមាត់។ ជាការកត់សម្គាល់នៅពេលខ្សែភាពយន្តចេញផ្សាយត្រង់ចំណុចតួឯកប្រុសយកបាយជាប់មាត់តួស្រីដាក់ចូលក្នុងមាត់ខ្លួននេះពុំឃើញមាននោះទេ។ ឈុតក្រៅឆាកនេះបានជំរុញឱ្យអ្នកគាំទ្រពិភាក្សាគ្នាយ៉ាងខ្លាំង។
រឿងរបស់ MBC ដោយផ្អែកលើប្រលោមលោកអនឡាញនេះមានភាពពេញនិយមយ៉ាងខ្លាំងក្លាយជារឿងល្បីទូទាំងពិភពលោក ហើយទទួលបានការចាប់អារម្មណ៍ចាប់តាំងពីការចេញផ្សាយលើកដំបូង ខណៈភាគទី៩ និងទី១០ នឹងចេញផ្សាយនៅថ្ងៃទី២៧-២៨ ធ្នូនេះ៕