ឡូរីន គូស្នេហ៍របស់តារាចម្រៀង វណ្ណដា ដ្បិតតែមានវ័យ២១ឆ្នាំប៉ុន្តែរូបនាងមានផ្លូវចិត្តរឹងមាំមិនចុះញ៉មជាមួយនឹងបញ្ហាដែលបានកើតឡើងចំពោះខ្លួននាពេលថ្មីៗនេះដែលទទួលមតិប្រតិកម្មពីលោកជំទាវ ហ៊ុន ស៊ីណាត អាចារ្យធំ និងត្រូវបានគេប្រៀបធៀបជាមួយនឹងដៃគូចាស់របស់គូស្នេហ៍។ ភាគច្រើនប្រសិនជារឿងនេះបានកើតឡើងទៅលើអ្នកផ្សេងអាចនឹងស្ងប់ស្ងាត់ ប៉ុន្តែរូបនាងបន្តសកម្មភាពធម្មតានៅលើបណ្តាញសង្គម។
កាលពីយប់ថ្ងៃទី១៦ ធ្នូ ភ្លើងកម្តៅនៃការបង្ហាញរូបភាពរបស់ ឡូរីន នៅលើបណ្តាញសង្គមបានចាប់ផ្តើមសាយភាយនិងទទួលបានមតិប្រតិកម្មចម្រុះពីសាធារណជនចំពោះការបង្ហាញរាងដ៏ស៊ិចស៊ីល្វត់ល្វន់ពីសង្សារតារាចម្រៀងល្បីឈ្មោះ ជាពិសេសគឺទទួលបានកំណាព្យពី អាចារ្យធំ ផ្ទាល់តែម្តង។ អ្វីដែលកាន់តែចាប់អារម្មណ៍ ឡូរីន ក៏បានឆ្លើយតបយ៉ាងក្តៅគគុកទៅកាន់អាចារ្យធំយ៉ាងចាស់ដៃ ស្របពេល អាចារ្យធំ បង្ហោះឆ្លើយតបម្តងទៀត។
អ្វីដែលទស្សនិកជនចាប់អារម្មណ៍បន្ទាប់ពីឆ្លើយតបទៅកាន់អាចារ្យធំរួច ឡូរីន មិនបាននិយាយអ្វីទៀតនោះទេហើយការជួបរឿងអាស្រូវនេះមិនបានបង្អាក់សកម្មភាពរបស់នាងទៅគាំទ្រលើកទឹកចិត្តគូស្នេហ៍ដូចគ្នា។ នៅពេលផ្ទុះរឿងជាមួយអាចារ្យធំ ឡូរីន បានទៅ ជាមួយនឹង វណ្ណដា ក្នុងការបំពេញការងារនៅខេត្តសៀមរាប ហើយនាងបានបន្តសកម្មភាពធម្មតាលេងនៅលើបណ្តាញសង្គមធម្មតា។
ចំណុចមួយទៀតនោះ ការស្លៀកពាក់របស់នាងបន្ទាប់ពីអាចារ្យធំប្រតិកម្មលោកជំទាវ ហ៊ុន ស៊ីណាត ក៏បាននិយាយពាក់ព័ន្ធនឹងរឿងនេះដូចគ្នា ខណៈ ឡូរីន ក៏ត្រូវបានគេប្រៀបធៀបជាមួយនឹងអតីតគូស្នេហ៍របស់សង្សារផងដែរ។
ទោះបីជាមានរឿងចម្រូងចម្រាសទាំងអស់នេះពិតមែនអាចថាផ្លូវចិត្តរបស់ ឡូរីន ដែលមានវ័យ២១ឆ្នាំ នាងជាមនុស្សរឹងមាំមិនចុះញ៉មនឹងបញ្ហា ធ្វើខ្លួនធម្មតារស់ជាខ្លួនឯង ប្រសិនជាអ្នកផ្សេងវិញអាចនឹងផ្អាកពីបណ្តាញសង្គមរយៈពេលខ្លីប៉ុន្តែចំពោះ ឡូរីន គឺមិនដូច្នេះឡើយ៕
