តារាសម្ដែងចិន Chen Xiao យ៉ាងគួ២០១៤ បានរក្សាភាពស្ងៀមស្ងាត់បន្ទាប់ពីការស្លាប់របស់ឪពុកក្មេក ដែលជាឪពុករបស់តារាសម្ដែងតៃវ៉ាន់ Michelle Chen ឬសៀវឡុងនី ដែលបង្កឱ្យមានពាក្យចចាមអារ៉ាមជាបន្តបន្ទាប់អំពីបញ្ហាអាពាហ៍ពិពាហ៍ដែលអាចកើតមានរវាងគូស្នេហ៍។.png)
សារព័ត៌មាន The Star បានរាយការណ៍ថា Michelle បានបង្ហាញពីទុក្ខសោករបស់នាងនៅលើប្រព័ន្ធផ្សព្វផ្សាយសង្គមកាលពីថ្ងៃទី ៧ ខែធ្នូ ដោយបានចែករំលែករូបថតកុមារភាពជាច្រើនជាមួយឪពុករបស់នាងជាមួយនឹងក្តីនឹករម្លឹកនិងក្តីស្រលាញ់។តារាស្រីរូបនេះក៏បានបន្ថែមជាភាសាចិននៅលើ Weibo ថា «កូននឹងនៅតែស្រលាញ់ប៉ា ទោះជាពេលដែលខ្ញុំទៅឋានសួគ៌ថ្ងៃណាមួយក៏ដោយ»។ សាររបស់នាងមានមិត្តភ័ក្តិជាតារាល្បីៗជាច្រើនចូលរួមរំលែកទុក្ខដល់នាង។.png)
ទោះបីជាយ៉ាងណាក៏ដោយ មិនមានការអត្ថាធិប្បាយពី Chen Xiao ទេ ហើយលោកមិនបានបង្ហោះអ្វីអំពីការស្លាប់របស់ឪពុកក្មេករបស់ខ្លួននៅលើប្រព័ន្ធផ្សព្វផ្សាយសង្គមផងដែរ។ វាក៏មានពាក្យចចាមអារ៉ាមថា តារាប្រុសរូបនេះអវត្តមានពីពិធីបុណ្យសពឪពុកក្មេករបស់ខ្លួន។នេះបើយោងតាមប្រព័ន្ធផ្សព្វផ្សាយរបស់ប្រទេសចិន។
Michelle បច្ចុប្បន្នាមានអាយុ ៤១ ឆ្នាំ ចំណែក Chen Xiao មានវ័យ៣៧ ឆ្នាំជាតួអង្គយ៉ាងគួនិងសៀវឡុងនី២០១៤ ដោយអ្នកទាំងពីរបានជួបគ្នាដំបូងក្នុងឆ្នាំ២០១៣ ពេលដែលថតរឿងនេះខណៈ Chen Xiao បានបង្ហើបឱ្យដឹងថាលោកលួចមានចិត្តលើ Michelle ហើយបន្ទាប់មកទៀតលោកតាមចែចង់នាង ។ Chen Xiao បានស្នើសុំ Michelle រៀបការនៅឆ្នាំ ២០១៥ និងបានរៀបការជាមួយគ្នានៅទីក្រុងប៉េកាំង។ កាលពីឆ្នាំ ២០១៦ ហើយមានកូនប្រុសអាយុ ៨ ឆ្នាំម្នាក់ដែលមានរហស្សនាមថា Little Star ។ ចាប់តាំងពីចំណងស្នេហ៍ពួកគេប្រកាសជាសាធារណៈ តារាសម្តែងទាំងពីររូបបានប្រឈមមុខនឹងការរិះគន់ពីអ្នកគាំទ្រដែលគិតថា Michelle ជា «ជម្រើសខុស» របស់ Chen Xiao។
ការរំពឹងទុកអំពីការលែងលះដែលអាចកើតមានរបស់ពួកគេក៏បានផ្សព្វផ្សាយអស់រយៈពេលជាច្រើនខែ។ សារព័ត៌មាន Straits Times បានរាយការណ៍ថា គូស្នេហ៍មួយគូនេះ មិនទាន់ឆ្លើយតបនឹងពាក្យចចាមអារ៉ាមនេះនៅឡើយទេ។ ទោះបីជាយ៉ាងណាក៏ដោយ អ្នកនិយមលេងអ៊ីនធឺណិតបានចង្អុលបង្ហាញថា ពួកគេមិនត្រូវបានគេឃើញជាមួយគ្នាទេ ចាប់តាំងពីខួបកំណើតរបស់ Michelle នៅក្នុងខែឧសភា ឆ្នាំ២០២៣។ លើសពីនេះ ពួកគេមិនបានជូនពរឱ្យគ្នាទៅវិញទៅមកក្នុងថ្ងៃខួបកំណើតដ៏រីករាយនៅលើប្រព័ន្ធផ្សព្វផ្សាយសង្គមនៅឆ្នាំ ២០២៤ នោះទេ៕
