ស្ថិតក្នុងវ័យ ៤៩ ឆ្នាំ Angelina Jolie ដែលជាតារាសម្តែងហូលីវូតដ៏មានឥទ្ធិពលម្នាក់របស់ពិភពលោកនៅតែមានសម្រស់ស្រស់ស្អាត និងក្មេងជាងវ័យ ដោយសារទម្លាប់ល្អៗទាំងនេះ។ តួឯកស្រីក្នុងរឿង Maleficent ថ្មីៗនេះបានចែករំលែកនូវកំបាំងថែរក្សាសម្រស់របស់នាងថា នាងតែងតែថែរក្សាស្បែកជាមួយគ្រឿងផ្សំធម្មជាតិដែលមានស្រាប់ក្នុងផ្ទះបាយ ដែលគ្រឿងផ្សំធម្មជាតិទាំងនោះរួមមាន៖.png)
១.ស៊ុត និងទឹកឃ្មុំ៖ ស៊ុតមិនត្រឹមតែជាអាហារដែលផ្តល់សុខភាពល្អប៉ុណ្ណោះទេ ថែមទាំងជាធាតុផ្សំនៃសម្រស់ផងដែរ។ Angelina Jolie បានប្រាប់អំពីគ្រឿងផ្សំធម្មជាតិ ដែលនាងតែងតែអនុវត្តជារឿយៗ ដោយនាងបានយកទឹកឃ្មុំផ្សំជាមួយស៊ុត ហើយលាយល្បាយនេះឱ្យសព្វរួចលាបនៅលើមុខ ទុករយៈពេល ២០ នាទី នោះវានឹងកម្ចាត់ជាតិខ្លាញ់ក្នុងរន្ធញើស នឹងកាត់បន្ថយស្នាមអុចខ្មៅនៅលើស្បែក។
.png)
២.ការ៉ុត៖ ការ៉ុតមិនត្រឹមតែសម្បូរជាតិសរសៃប៉ុណ្ណោះទេ ថែមទាំងមានវីតាមីនបេតាការ៉ូទីន ប្រឆាំងភាពចាស់ និងការពារកាំរស្មីពន្លឺព្រះអាទិត្យទៀតផង។ តារាវ័យ ៤៩ ឆ្នាំរូបនេះបានចែករំលែកថា នាងតែងផ្សំការ៉ុត និងម្សៅអង្ករ លាយឱ្យសព្វរួចលាបលើមុខទុកចោល ២០ នាទីជាការស្រេច នោះស្បែកមុខរបស់អ្នកនឹងមានសំណើម សភ្លឺរលោង។
៣.លាងមុខរបស់អ្នកជាមួយទឹកដោះគោស្រស់៖ នៅក្នុងទឹកដោះគោស្រស់មានសារធាតុចិញ្ចឹមជាច្រើន ផ្តល់សំណើមដល់ស្បែក ជួយឱ្យស្បែកពោរពេញដោយភាពរស់រវើក កាត់បន្ថយស្នាមជ្រួញ និងធ្វើឱ្យស្បែកមានសុខភាពល្អ ក្មេងជាងវ័យ។ របៀបធ្វើ លាងមុខដូចធម្មតា រួចយកសំឡីជ្រលក់ក្នុងទឹកដោះគោ ដើម្បីម៉ាស្សាលើមុខរយៈពេល ២-៣ នាទី រួចលាងទឹកធម្មតាចេញជាការស្រេច។
៤.ប្រើដុំទឹកកក៖ ការម៉ាស្សាជាមួយដុំទឹកកកភ្លាមៗបន្ទាប់ពីលាងសម្អាតមុខ នឹងជួយបង្រួមរន្ធញើស ក៏ដូចជាជួយឱ្យសរសៃឈាមរត់នៅក្រោមស្បែក ផ្តល់ឱ្យអ្នកនូវមុខពណ៌ផ្កាឈូកភ្លឺថ្លា និងមានសុខភាពល្អ។ របៀបធ្វើ រុំទឹកកកក្នុងកន្សែងទន់ ម៉ាស្សាជារង្វង់នៅលើផ្ទៃមុខ ឬកន្លែងណាដែលមានរន្ធញើសធំៗ ដើម្បីរឹតបន្តឹងរន្ធញើសជាការស្រេច៕
