ទូក ង “កម្ពោជិកបុត្តាខេមរាតរី” ជាទូកវែងជាងគេដែលបានបំបែក កំណត់ត្រាពិភពលោកកាលពីថ្ងៃទី១២ ខែវិច្ឆិកា ឆ្នាំ២០១៨។
ទូកនេះ សាងសង់ឡើងតាមរថនាបថ និងបច្ចេកទេសកូនខ្មែរ ជាទូកវែងជាងគេលើពិភពលោក ដែលមានប្រវែង ៨៧,៣០ម៉ែត្រ ទទឹង ១,៩៤ម៉ែត្រ ជម្រៅ ០,៨០ម៉ែត្រ និងកម្រាស់សាច់ឈើទូក ៧សង់ទីម៉ែត្រ ដែលអាចផ្ទុកចំណុះបានចំនួន ១៧៩នាក់។
ទូកនេះ ធ្លាប់បានបង្ហាញខ្លួនជាលើកដំបូងបំផុត នៅក្នុងព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក កាលពីឆ្នាំ២០១៨។
បច្ចុប្បន្ន ទូកនេះ ត្រូវបានទុកនៅអគារតម្កល់ទូក ង វែងជាងគេលើពិភពលោក ដែលមានទទឹង ៨,៦០ម៉ែត្រ បណ្តោយ ៩៨,៨០ម៉ែត្រ និងកម្ពស់ ១១ម៉ែត្រ នៅ ក្នុងភូមិលេខ១ សង្កាត់កំពង់លាវ ក្រុងព្រៃវែង ខេត្តព្រៃវែង មុខសាលា។.png)
គួរបញ្ជាក់ថា ទូក ង “កម្ពោជិកបុត្តាខេមរាតរី” បានជាប់កំណត់ត្រាជាទូក ង វែងជាងគេលើពិភពលោក ដែលត្រូវបានចុះវាយតម្លៃផ្ទាល់ ដោយតំណាងអង្គការ Guinness World Records នៅថ្ងៃទី១២ ខែវិច្ឆិកា ឆ្នាំ២០១៨៕
