ពិធីមង្គលការរបស់ពិធីការិនី សុភ័ក្រ កុសុម៉ា មានវត្តមានសិល្បករ សិល្បការិនីល្បីៗជាច្រើនរូបចូលរួមអបអរយ៉ាងឱឡារិកពោរពេញដោយភាពសប្បាយរីករាយនិងជូនពរដល់គូស្វាមីភរិយាថ្មី។ យ៉ាងណាមិញ ចំពោះសិល្បករ សិល្បការិនីមួយចំនួនពុំបានចូលរួមនោះដូចជាអ្នកនាង វ៉ាង ស្រីណូ ជាដើមរហូតធ្វើឱ្យហ្វេនៗសួរនាំដែលអ្នកម្តាយថ្មីថ្មោងនេះមិនមានវត្តមានក្នុងពិធីមង្គល សុភ័ក្រ កុសុម៉ា។
តារាសម្តែង វ៉ាង ស្រីណូ បានឆ្លើយប្រាប់អ្នកគាំទ្ររបស់ខ្លួនដែលមិនបានចូលរួមពិធីមង្គលការ សុភ័ក្រ កុសុម៉ា ដោយសារតែគ្មានការអញ្ជើញមិនសូវស្និទ្ធិស្នាលនឹងគ្នា។ អ្នកនាង បន្តទៀតថា មិនមែនជាអ្នកនៅក្នុងចង្កោមមិត្តភក្តិស្និទ្ធស្នាលឧស្សាហ៍ជួបគ្នា គ្រាន់តែជាអ្នកស្គាល់គ្នាចឹងគេ(សុភ័ក្រ កុសុម៉ា) ក៏មានសុជីវធម៌ដែរ។ អ្នកនាង វ៉ាង ស្រីណូ ថាអ្នកខ្លះមិនសូវស្គាល់គេការដើរប្រមូលអស់ អត់ស្និទ្ធិអត់អីដើរប្រមូលអស់ ដល់ពេលធ្វើដូច្នេះអ្នកដែលមិនសូវស្និទ្ធគេអាចគិតថា ហេតុតែចង់បានចំណងដៃ មិនសូវស្និទ្ធផងហៅដែរ។
តារាស្រី វ៉ាង ស្រីណូ បន្តទៀតថាអ្នកគេមានសុជីវធម៌ គេអត់ស្និទ្ធ គេមិនហៅការទេដូចជាខ្លួននាងនិង កុសុម៉ា ៣ឆ្នាំមិនទាន់ជួបគ្នាម្តង ជួបគ្នាតែនៅក្នុងកម្មវិធីដែល កុសុម៉ា ធ្វើជាពិធីការិនី ចឹងកុសុម៉ា មិនហៅខ្លួនគឺសមរម្យហើយ ព្រោះអ្នកទាំងពីរមិនស្និទ្ធស្នាល។
ការឆ្លើយតបបែបនេះ អ្នកលេងបណ្តាញសង្គមជាច្រើនបានសរសើរទៅដល់អ្នកនាង វ៉ាង ស្រីណូ ចំពោះចម្លើយនេះនិងបានសម្តែងការយល់ស្របនូវអ្វីដែលអ្នកនាងបានលើកឡើង។
គួរបញ្ជាក់ផងដែរថា សុភ័ក្រ កុសុម៉ា និងលោក ផល្លា ដឹកដៃគ្នារៀបចំពិធីមង្គលការនៅថ្ងៃទី៤ វិចិ្ឆកា ក្រោមវត្តមានតារាល្បីៗជាច្រើនរូបចូលរួម។ អ្នកនាង វ៉ាង ស្រីណូ វិញទើបតែសម្រាលបានកូនស្រីកាត់ដាណឺម៉ាក កាលពីខែកញ្ញា ដោយការយកកូនតាមបែបវិទ្យាសាស្រ្ត៕
