សម្ពាធឈាមខ្ពស់ ជារឿយៗច្រើនតែកើតមានចំពោះមនុស្សវ័យធ្វើការរហូតដល់វ័យចំណាស់ និងមនុស្សដែលមានទម្ងន់លើសពីបទដ្ឋាន ក៏ដូចជាមនុស្សដែលមានទម្លាប់ទទួលទានអាហារមិនត្រឹមត្រូវជាដើម។ ទោះបីជារោគសញ្ញានេះទូទៅក៏ដោយ ក៏វាជាមូលហេតុមួយនៃជំងឺដ៏គ្រោះថ្នាក់ផ្សេងទៀតផងដែរ។ ដូច្នេះដើម្បីកាត់បន្ថយសម្ពាធឈាមខ្ពស់ ចូលអ្នកអនុវត្តវិធីដូចខាងក្រោម៖.png)
១.វាស់សម្ពាធឈាមជារៀងរាល់ថ្ងៃ៖ យើងអាចវាស់សម្ពាធឈាមដោយខ្លួនឯងបាន ជាមួយនឹងឧបករណ៍វាស់សម្ពាធឈាមដែលមានលក់នៅឱសថស្ថាន។ ម៉ាស៊ីនវាស់សម្ពាធនៅផ្ទះនេះ នឹងបង្ហាញឱ្យយើងដឹងពីសម្ពាធឈាមឡើងចុះ ដែលអាចឱ្យយើងកំណត់នូវបរិមាណអាហារ និងទទួលទានតែអាហារសុខភាព។
២.ធ្វើលំហាត់ប្រាណ៖ កត្តាសំខាន់ដែលជួយឱ្យសម្ពាធឈាមរបស់អ្នកត្រលប់មកធម្មតាវិញ គឺការធ្វើលំហាត់ប្រាណឱ្យបានទៀងទាត់។ ការធ្វើលំហាត់ប្រាណឱ្យបានត្រឹមត្រូវសម្រាប់អ្នកដែលមានជំងឺលើសឈាម គឺជាលំហាត់ប្រាណ cardio ការដើរលឿន រត់ ជិះកង់ ហែលទឹក និង រាំតាមចង្វាក់ ជាដើម។
៣.កាត់បន្ថយអាហារប្រៃ៖ ការទទួលទានអាហារដែលមានជាតិប្រៃពេក នឹងធ្វើឱ្យសម្ពាធឈាមកាន់តែឡើងខ្ពស់ ដែលធ្វើឱ្យប៉ះពាល់ដល់សុខភាពធ្ងន់ធ្ងរ។ ដូច្នេះអ្នកគួរកាត់បន្ថយអាហារប្រៃ ហើយគួរងាកមកទទួលទានបន្លែនិងផ្លែឈើឱ្យបានច្រើន។.png)
៤.ឈប់ជក់បារី និងកាត់បន្ថយគ្រឿងស្រវឹង៖ ការជក់បារី និងផឹកគ្រឿងស្រវឹង អាចធ្វើឱ្យសម្ពាធឈាមឡើងខ្ពស់ ហើយក៏បង្កើនហានិភ័យនៃផលវិបាកដ៏គ្រោះថ្នាក់ដែលអាចកើតឡើងផងដែរ៕
