អ្នកលេងបណ្តាញសង្គមជាច្រើនបានបង្ហាញអារម្មណ៍ខឹ.ងសម្បា.រយ៉ាងខ្លាំងបន្ទាប់ពីទទួលដំណឹងចចាមអារ៉ាមថាកម្មវិធីប្រកួតសម្រស់ Miss Grand Cambodia 2025 មានអ្នកទិញសិទ្ធិគ្រប់គ្រងថ្មីហើយបន្ទាប់ពីលោកស្រី អ៊ឹម សុគន្ធា។ អ្នកតាមដានវិស័យបវរកញ្ញាថាបើមានអ្នកទិញសិទ្ធិកម្មវិធីនេះយកមកមែនទាំងអ្នកគ្រប់គ្រង(ND) និងបវរកញ្ញាពួកគេនឹងជេរមិនដកមាត់មិនឱ្យជាន់ពាក្យឡើយ។
ពាក្យចចាមអារ៉ាមរឿងនេះបានកើតឡើងបន្ទាប់ពីអ្នកស្រី ថេរិសា អនុប្រធានកម្មវិធី MGI បានផ្តល់បទសម្ភាសន៍ជាមួយសារព័ត៌មានថា ទាំងប្រទេសមីយ៉ាន់ម៉ា និងប្រទេសកម្ពុជា មានអ្នកគ្រប់គ្រងថ្មីទិញសិទ្ធិកម្មវិធីនេះហើយ។ បន្ទាប់ពីដំណឹងនេះបានសាយភាយឡើង មានដំណឹងថាអ្នកគ្រប់គ្រងកម្មវិធីនេះនៅប្រទេសមីយ៉ាន់ម៉ាក្នុងឆ្នាំ២០២៥ គឺជា Nini ដែលជាលំដាប់រងទី១ Miss Grand International 2023 ។.png)
នៅលើផេកវិស័យបវរកញ្ញាក្នុងស្រុកវិញបានបង្ហោះចោទសួរអ្នកគាំទ្រដូចគ្នាថាជាដំណឹងពិតឬទេដែលខាងកម្មវិធីនេះនៅប្រទេសកម្ពុជាមានអ្នកទិញសិទ្ធិ ដែលកំពុងបង្កើតជាចម្ងល់និងអារម្មណ៍មិនអស់ចិត្តថាមានអ្នកទិញមែនឬមិនមែន។ ទោះយ៉ាងណាដំណឹងនេះបានធ្វើឱ្យអ្នកគាំទ្រវិស័យបវរកញ្ញាជាច្រើនបានកើតក្តីខឹងសម្បារនិងបានលើកឡើងថាបើសិនជាដំណឹងនេះពិតមែនពួកគេត្រៀមរួចជាស្រេចក្នុងការជេរអ្នកគ្រប់គ្រងថ្មីនោះ រួមទាំងបវរកញ្ញា អ្នកចូលរួមប្រកួតកម្មវិធីនេះមិនឱ្យជាន់ពាក្យឡើយ។
ងាកទៅកាន់លោកស្រី អ៊ឹម សុគន្ធា ជាអតីតអ្នកគ្រប់គ្រងកម្មវិធី MGC វិញបានបង្ហាញចំណាប់អារម្មណ៍របស់ខ្លួនចំពោះពាក្យចចាមអារ៉ាម មិនដឹងថាជារឿងពិតឬយ៉ាងណានោះទេព្រោះក៏មិនទាន់ដឹងច្បាស់។ លោកស្រីថា បើកូនខ្មែរណាហ៊ានទិញកម្មវិធីនេះយកមកលោកស្រីក៏មិននៅស្ងៀមដូចគ្នា។
គួរបញ្ជាក់ថា បញ្ហាចម្រូងចម្រាសរវាងលោកស្រី អ៊ឹម សុគន្ធា និងលោក ណាវ៉ាត់ នាយកគ្រប់គ្រងកម្មវិធី MGI បានកើតឡើងបន្ទាប់ពីស្ថាបនិករូបនេះដកសិទ្ធិកម្ពុជាជាម្ចាស់ផ្ទះពាក់កណ្តាលទីដោយចោទថាខាងកម្ពុជារៀបចំកម្មវិធីមិនស្តង់ដាស្របតាមតម្រូវការ។ លោកស្រី អ៊ឹម សុគន្ធា ក៏ធ្លាប់បានបង្ហោះដែរថាលោកស្រីនឹងធ្វើអ្វីគ្រប់យ៉ាងដើម្បីកុំឱ្យមានកម្មវិធី Miss Grand នៅស្រុកខ្មែរ៕
