សប្បាយពេញ៧ម៉ោងក្នុងកម្មវិធី Afterlife: Into Wonderland នឹងជួបជាមួយតារាចម្រៀង Kwan DJ Wukong និង DJ MOJI

កម្មវិធី Afterlife: Into Wonderland ក្រោមការសហការរវាងក្រុមហ៊ុន Khmer Beverages និង EDM Cambodia អបអរថ្ងៃបុណ្យ Halloween ធំជាងគេនៅព្រះរាជាណាចក្រកម្ពុជាកាន់តែកៀកមែនទែនហើយ ខណៈសិល្បករក្នុងនិងក្រៅស្រុកនឹងមានវត្តមានក្នុងកម្មវិធីនេះផ្តល់ភាពសប្បាយរីករាយដល់ទស្សនិកជនរហូតដល់ទៅ៧ម៉ោង។

ភ្ញៀវពិសេសពីតារាចម្រៀង Kwan ម្ចាស់បទដ៏ល្បីល្បាញ«មេឃបើកថ្ងៃ» DJ ជនជាតិសិង្ហបុរីដ៏ស្រស់សង្ហា Wukong រួមទាំង DJ កំបាំងមុខ MOJI នឹងមានវត្តមានក្នុងកម្មវិធីដ៏ធំសម្បើមខាងនេះធានាមិនឱ្យទស្សនិកជនចូលរួមខកបំណង។

Afterlife: Into Wonderland ក្រោមការសហការរវាងក្រុមហ៊ុន Khmer Beverages និង EDM Cambodia ប្រព្រឹត្តទៅនៅថ្ងៃទី ២៦ ខែតុលា ឆ្នាំ២០២៤ នៅ Hotel Cambodiana ចាប់ពីម៉ោង៤ល្ងាចរហូតដល់ម៉ោង១១យប់។ ហើយសំបុត្រសម្រាប់ការចូលរួមក្នុងកម្មវិធីនេះគឺមានដាក់លក់នៅប្រព័ន្ធអនឡាញ wonderpass ។ គូសបញ្ជាក់ថា កម្មវិធីនេះគឺតម្រូវឱ្យទស្សនិកជនចូលរួមមានអាយុចាប់ពី១៨ឆ្នាំឡើងទៅហើយចំនួនសំបុត្រក៏មានកំណត់ផងដែរ។

សូមរម្លឹកផងដែរថា DJ Wukong ទើបតែបានជាប់ចំណាត់ក្នុងបញ្ជីកំពូលDJ ទាំង១០០នៅទូទាំងពិភពលោកដោយលោកស្ថិតនៅលេខរៀងទី៨៧ ជាមួយនឹងកំពូល DJ ជាច្រើនរូបទៀត។ DJ Wukong គឺធ្លាប់មកសម្តែងនៅប្រទេសកម្ពុជាជាច្រើនដងថែមទាំងធ្លាប់បានសម្តែងជាមួយ ក្រុម La cima ថែមទៀត៕