ប៉ុន្មានថ្ងៃមកនេះបន្ទាប់ពីមានបញ្ហាចម្រូងចម្រាសកម្មវិធីប្រកួត Miss Grand International ពេជ្រ វត្តីសារ៉ាវឌ្ឍី ក៏ត្រូវបានគេយកធ្វើជាប្រធានបទមកជជែកវែកញែកព្រោះតែការស្ងប់ស្ងាត់របស់នាងរហូតមានរៀមច្បងកម្មវិធី Grand ដូចគ្នាចេញមកផ្លែផ្កាដាក់នាង។ ទោះបីជាមិនចេញមុខនិយាយលើបណ្តាញសង្គមប៉ុន្តែបើតាមការបង្ហោះរបស់ហ្វេន ពេជ្រ វត្តីសារ៉ាវឌ្ឍី លេចមុខតាំងពីថ្ងៃកើតហេតុមកម្ល៉េះគ្រាន់តែមិនបានចេញមុខនិយាយលើបណ្តាញសង្គម។
នៅព្រឹកថ្ងៃទី៩ ខែតុលា លោកស្រីអ៊ឹម សុគន្ធា និង ប៊ី សុធារី បានធ្វើសន្និសីទសារព័ត៌មានបកស្រាយពីបញ្ហាចម្រូងចម្រាសដែលបានកើតឡើងចំពោះកម្មវិធី Miss Grand International ធ្វើនៅលើទឹកដីកម្ពុជា ខណៈគេក៏បានឃើញវត្តមាន ពេជ្រ វត្តីសារ៉ាវឌ្ឍី ក៏បានមកចូលរួមដូចគ្នា។ នៅក្នុងវីដេអូមួយដែលបានចែករំលែកនៅលើបណ្តាញសង្គម ពេជ្រ វត្តីសារ៉ាវឌ្ឍី បានចេញមុខបកស្រាយក្រោយពីមានរៀមច្បងក្នុងវិស័យបវកញ្ញាដៀមដាមផ្លែផ្កាឱ្យនាងថាស្ងាត់មិនឃើញចេញមុខ។ 
ពេជ្រ វត្តីសារ៉ាវឌ្ឍី បាននិយាយថា រៀមច្បងក្នុងកម្មវិធី Miss Grand ជំនាន់ផ្សេងគ្នាបាននិយាយថានាងមិនបានធ្វើដូចអ្វីដែលបាននិយាយដោយនាងបានផ្តាំផ្ញើវិញថានាងតែងតែគោរពគាត់រហូតទោះបីជាមិនមែនជាឆ្នាំជាមួយគ្នា រាប់គ្នាដោយមិនដឹងថាពេលមានបញ្ហានិយាយដាក់នាងបែបនេះ ចំពោះហ្វេនអាចនឹងយល់ពីនាង ប៉ុន្តែមិននឹងស្មានថារៀមច្បង ធ្វើការនៅកន្លែងហ្នឹងបែរជានិយាយដាក់នាងបែបនេះធ្វើជាព្យុះភ្លៀង។ ពេជ្រ វត្តីសារ៉ាវឌ្ឍី ថា អត់ចេញមុខមិនមែនមានន័យថាមិនបានជួយនោះទេ ជាខ្មែរ ជាបវរកញ្ញាដូចគ្នានាងសង្ឃឹមថានឹងយល់ពីបញ្ហានេះ។
តាមរយៈវីដេអូផ្សេងទៀត គេបានឃើញ ពេជ្រ វត្តីសារ៉ាវឌ្ឍី បានពួនយំមានការលួងលោមពីលោកស្រី អ៊ឹម សុគន្ធា។ លោកស្រី ក៏បាននិយាយអះអាងដែរថា គ្រប់ពេលខ្លួនមានបញ្ហា ពេជ្រ វត្តីសារ៉ាវឌ្ឍី តែងតែឈឺឆ្អាលជួយដោះស្រាយបើនាងមិនបារម្ភ នាងមិនជួយខ្លួនក្នុងការហៅហ្វេននោះទេគ្រាន់តែពេលខ្លះ ពេជ្រ វត្តីសារ៉ាវឌ្ឍី មិនបញ្ចេញតែរាល់ថ្ងៃនាងនៅTeamខាងលោកស្រីជួយខ្លួនរហូត។ 
លោកស្រី អ៊ឹម សុគន្ធា ថា ពេជ្រ វត្តីសារ៉ាវឌ្ឍី ជាជនជាតិខ្មែរ ស្រលាញ់ខ្មែរ មានបេះដូងជាខ្មែរពេលប្រកួតបាននាំយកវប្បធម៌ អរិយធម៌ខ្មែរបង្ហាញគួរតែគិតពីចំណុចល្អមិនគួរយកចំណុចតែបន្តិចមកវាយប្រហារនាងនោះទេ៕
