រដ្ឋបាលខេត្តកំពត មានគម្រោងអភិវឌ្ឍន៍ហេដ្ឋារចនាសម្ព័ន្ធផ្សេងៗជាច្រើនបន្ថែមទៀត ពីលើការស្ថាបនាឆ្នេរខ្សាច់កម្សាន្ត ការកែលម្អសួនច្បារ ការកសាងរូបសំណាក់ត្រីសេះសមុទ្របាញ់ទឹក និងនាឡិកាធំហើយខ្ពស់ជាងគេដើម្បីបន្ថែមការទាក់ទាញភ្ញៀវទេសចរណ៍ជាតិ និងអន្តរជាតិ។
នាក្នុងកិច្ចប្រជុំសាមញ្ញលើកទី៤ របស់ក្រុមប្រឹក្សាខេត្ត អាណត្តិទី៤ នៅថ្ងៃទី១៧ ខែកញ្ញា ឆ្នាំ២០២៤ ឯកឧត្តម ម៉ៅ ធនិន បានលើកឡើងថា៖”រដ្ឋបាលខេត្ត នឹងធ្វើការកសាងស្ពានវាងក្រុង ដែលបំពាក់ដោយកង្ហារធំបំផុតចំនួនពីរ និងកសាងសំពៅធំបំផុតមួយទៀត ជាពិសេសការកសាងឆ្នេរសមុទ្រនៅខាងមុខកំពង់ផែទេសចរណ៍អន្តរជាតិតែម្តង។
បច្ចុប្បន្ន កំពត ជាខេត្តគោលដៅទេសចរណ៍ឈានមុខគេមួយនៅក្នុងព្រះរាជាណាចក្រកម្ពុជា ដោយសម្បូរទៅដោយតំបន់សក្តានុពលជាច្រើន មិនថារមណីយដ្ឋានធម្មជាតិ ឬកែច្នៃនោះទេ។
ខេត្តនេះ នេះក៏មានការទទួលស្គាល់ពីទីផ្សារពិភពលោក ចំពោះ ផ្លែទុរេន និងវាលស្រែអំបិលប្រមាណ៤០០០ហិកតា ផងដែរ៕
