ថ្មីៗនេះក្នុងដំណើរដែល Miss Universe Laos 2024 និង Mister Universe Laos 2024 បានដល់ទឹកដីកម្ពុជាជាលើកដំបូងបានធ្វើឱ្យអ្នកគាំទ្រវិស័យបវរកញ្ញាមានការចាប់អារម្មណ៍យ៉ាងខ្លាំងជាពិសេសនៅពេលបវកញ្ញានិងបុរសឯកឡាវបានគ្រងសំលៀកបំពាក់ប្រពៃណីខ្មែរយ៉ាងស្រស់ស្អាតនិងស្រស់សង្ហានៅមុខព្រះបរមរាជរាំង។.png)
ជាមួយនឹងការចាប់អារម្មណ៍ការស្លៀកពាក់បែបប្រពៃណីខ្មែររបស់ Phiranya Thipphomvon Miss Universe Laos 2024 និង Kevin Chamonty Mister Universe Laos 2024 ទស្សនិកជនក៏បានចាប់អារម្មណ៍មួយទៀតគឺស្ថាប័ន Miss Universe Laos បានពេញចិត្តបទចម្រៀងរបស់តារារ៉េប វណ្ណដា និង តារាចម្រៀង តន់ ច័ន្ទសីម៉ា យកមកដាក់នៅក្នុងវីដេអូផងដែរ។
បទរបស់ វណ្ណដា ដែលត្រូវបានជ្រើសរើសយកមកដាក់ក្នុងវីដេអូរបស់ Miss Universe Laos 2024 និង Mister Universe Laos 2024 គឺជាបទដ៏ល្បីល្បាញទូទាំងអាស៊ីគឺមានចំណងជើងថា «Time To Rise » ខណៈបទ តន់ ច័ន្ទសីម៉ា ដែលខាងស្ថាប័ន Miss Universe Laos យកមកដាក់ក្នុងវីដេអូគឺបទ «CAMBODIAN PRIDE»។
រយៈពេលចុងក្រោយនេះអ្នកគាំទ្រ បានកត់សម្គាល់ឃើញថាបទរបស់ វណ្ណដា មួយចំនួនកំពុងផ្ទុះយ៉ាងខ្លាំងពីសំណាកប្រជាជនឡាវនិងថៃមានការលេងនៅលើបណ្តាញសង្គមទិកតុកយ៉ាងផុសផុល។
គួរបញ្ជាក់ថា អ្នកទាំងពីរបានមកចូលរួមជាភ្ញៀវកិត្តិយសនៅក្នុងកម្មវិធីគ្រងមកុដ Miss Universe Cambodia 2024 ដែលប្រព្រឹត្តិកាលពីយប់ថ្ងៃទី ២៩ ខែសីហានេះ ថែមទាំងបានបង្ហាញថាខាងកម្ពុជាគឺបានទទួលការស្វាគមន៍យ៉ាងកក់ក្តៅមកកាន់ Miss Universe Laos 2024 និង Mister Universe Laos 2024 និងបានសម្តែងក្តីត្រេកអរចំពោះអ្នកនាង ប្រាសាទ ដាវីន ក្នុងការគ្រងមកុដតំណាងកម្ពុជាក្នុងការប្រកួតនៅលើឆាកអន្តរជាតិខាងមុខ។ គួរបន្ថែមឱ្យដឹងទៀតថាក្រៅពីបវរកញ្ញានិងបុរសឯកខាងលើកាលពីខែមីនា ឆ្នាំ២០២៤នេះ បវរកញ្ញាចក្រវាលឡាវ២០២២ កញ្ញា Payengxa Lor ក៏បានមកប្រទេសកម្ពុជាផងដែរ៕
