កម្ពុជាជាប់លេខ ៣ ក្នុងចំណោម ១១ ប្រទេសនៃតំបន់អាស៊ីអាគ្នេយ៍ ដែលមានប្រជាជនប្រើប្រាស់គ្រឿងស្រ.វឹងច្រើនបំផុត បើតាមការចុះផ្សាយរបស់ Seasia កាលពីពេលថ្មីៗនេះ ដោយផ្នែកតាមរបាយការណ៍ឆ្នាំ ២០២៣។
កាលពីថ្ងៃទី ១៨ ខែសីហានេះ យោងតាមការចុះផ្សាយរបស់គេហទំព័រអន្តរជាតិដ៏ល្បីល្បាញ Seasia បានធ្វើការដកស្រង់ទិន្នន័យកាលពីឆ្នាំ២០២៣ នៃចំនួនការប្រើប្រាស់គ្រឿងស្រវឹងក្នុងចំណោមពលរដ្ឋម្នាក់ៗ ទៅលើ ១១ ប្រទេស ដែលស្ថិតនៅតំបន់អាស៊ីអាគ្នេយ៍។ ក្នុងនោះ អត្រាអ្នកប្រើប្រាស់គ្រឿងស្រវឹងខ្ពស់បំផុតគឺប្រទេសឡាវ ហើយទាបបំផុតគឺប្រទេសឥណ្ឌូនេស៊ី។ ខណៈកម្ពុជា ទទួលបានចំណាត់ថ្នាក់លេខ ៣ ក្នុង ១នាក់ ផឹកស្រាជាមធ្យម ៩.៣៨ លីត្រ។ 
ចំណាត់ថ្នាក់លេខ ១ បានទៅលើប្រទេសឡាវ ដែលពលរដ្ឋឡាវ ១ នាក់ជាមធ្យមផឹកស្រាអស់ ១១.៧១ លីត្រ។ ចំណាត់ថ្នាក់លេខ ២ គឺប្រទេសវៀតណាម ពលរដ្ឋវៀតណាម ១ នាក់ ផឹកស្រាជាមធ្យម ៩.៧២ លីត្រ។ រីឯថៃវិញ ជាប់ចំណាត់ថ្នាក់លេខ ៤ ក្នុងមា្នក់ផឹកស្រាជាមធ្យម ៧.៧៩ លីត្រ។ 
លេខ ៥ បានលើ ភីលីពីន ចំនួន ៦.២៦ លីត្រ ក្នុងចំណោមពលរដ្ឋម្នាក់។ លេខ៦ គឺមីយ៉ាន់ម៉ា ២.៤ លីត្រ។ លេខ៧ គឺសិង្ហបុរី ១.៨៧ លីត្រ។ លេខ៨ គឺម៉ាឡេស៊ី ០.៨១ លីត្រ។ លេខ ៩ គឺ ព្រុយណេ ០.៤៣ លីត្រ។ លេខ ១០ គឺទីម័រលេស្តេរ ០.៣៩ លីត្រ។ និងចំណាត់ថ្នាក់លេខ ១០ គឺឥណ្ឌូណេស៊ី ០.១១ លីត្រផងដែរ៕
