ផេកមួយឈ្មោះថា «Team Cambodia Pageant » ដែលនិយាយទូទៅទាក់ទងនឹងវិស័យបវរកញ្ញាបានឡើងលើកខ្លឹមសារមួយយ៉ាងក្តៅគគុកពីបេក្ខភាព Miss Grand Cambodia 2024 ចំនួន៣រូប។ ផេកនេះបានលើកឡើងថា បវរកញ្ញាមានទឹកលុយគឺខាង រតនៈគីរី ដែលខេត្តនេះតំណាងឱ្យ ម៉ាច ដាវី ។ ចំណែកឯ សមត្ថភាពវិញគឺខាង ស្វាយរៀង ដែលមានកញ្ញា រី ស្រីណេត ជាអ្នកតំណាង និងខាងបទពិសោធន៍គឺខេត្តកំពង់ឆ្នាំង ដែលមាន ប៊ី សុធារី ជាអ្នកតំណាងខេត្តនេះ។.png)
កម្មវិធីប្រកួតសម្រស់ Miss Grand Cambodia 2024 ដែលកំពុងទទួលបានការចាប់អារម្មណ៍ពីសំណាកមហាជនកាន់តែកៀកនឹងដឹងថាម្ចាស់មកុដឆ្នាំនេះបានទៅលើបេក្ខភាពរូបណាដែលនឹងតំណាងប្រទេសកម្ពុជាប្រកួតនៅលើឆាកអន្តរជាតិ។ មុននឹងឈានដល់ថ្ងៃផ្តាច់ព្រ័ត្រ គេសង្កេតឃើញថាមានអ្នកទស្សន៍ទាយបេក្ខភាពដែលជាម្ចាស់មកុដនិងបេក្ខភាពដែលអាចជាប់៥នាក់ចុងក្រោយជាដើម។
ពេលវេលាកាន់តែជិតមកដល់ក៏មានរឿងក្តៅគគុកមួយនៅលើបណ្តាញសង្គមបន្ទាប់ពីផេកមួយឈ្មោះថា «Team Cambodia Pageant » បានលើកពីខេត្តចំនួន៣តាមការយល់ឃើញរបស់គេ។ ផេកនេះបានសរសេរនៅព្រឹកថ្ងៃទី១២ កក្កដា ថា សមត្ថភាព: ស្វាយរៀង ដោយដាក់រូបមកុដ បទពិសោធ: កំពង់ឆ្នាំង ដាក់រូបមកុដដូចគ្នា ទឹកលុយ: រតនៈគិរី និងបានភ្ជាប់មកជាមួយរូប Emoji មកុដ ដូចគ្នា។
គួរឱ្យដឹងថា បេក្ខភាព Miss Grand ស្វាយរៀង គឺមានកញ្ញា រី ស្រីណេត ជាអ្នកតំណាងខេត្តនេះកំពុងទទួលបានការចាប់អារម្មណ៍ច្រើនពីមហាជន សូម្បីតែអ្នកក្នុងចង្កោមសិល្បៈមួយចំនួនបានជ្រើសរើសយកបេក្ខភាពរូបនេះដែលមានដូចជា អ្នកនាង ខាត់ សុឃីម PeyPey Dy រួមទាំងអ្នកមួយចំនួនទៀត។ 
Miss Grand កំពង់ឆ្នាំងគឺមានកញ្ញា ប៊ី សុធារី ជាអ្នកតំណាង ដែលបេក្ខភាពរូបនេះធ្លាប់មានបទពិសោធន៍ក្នុងការប្រកួតទាំងក្នុងនិងក្រៅស្រុក ហើយក៏មានចំណុចលេចធ្លោជាច្រើនដែលមានហ្វេនៗបវរកញ្ញាបាននិយាយថានាងនឹងអាចចូល TOP មិនខាន។
ចំណែកឯ ម៉ាច ដាវី វិញដែលតំណាងឱ្យខេត្តរតនៈគីរី ក៏មានចំណុចលេចធ្លោគួរឱ្យកត់សម្គាល់ដូចគ្នានាងមានពិន្ទុនាំមុខជាច្រើននៅក្នុងដៃបានឈ្នះ Best Choice of the Year ជាប់១៥នាក់ចុងក្រោយដោយស្វ័យប្រវត្តិ។ ពិន្ទុ Miss Popular Vote និងឈុតតំណាងជាតិរបស់ ម៉ាច ដាវី ក៏ស្ថិតនៅចំណុចល្អបណ្តោះអាសន្នផងដែរ។.png)
គួរបញ្ជាក់ថា ការប្រកួតផ្តាច់ព្រ័ត្រ Miss Grand Cambodia 2024 នឹងរៀបចំឡើងនាយប់ថ្ងៃទី១២ ខែកក្កដា ឆ្នាំ២០២៤ នេះហើយទីតាំងនៅឯសាលមហោស្រពកោះពេជ្រដោយបេក្ខភាពចូលប្រកួតសរុបមានចំនួន២៨នាក់៕
