តារាចម្រៀង K-pop ជំនាន់ទី ៤ ដ៏ល្បីល្បាញរបស់កូរ៉េគឺ Winter សមាជិក aespa បានប្រាប់ពីវិធីសាស្ត្រថែរក្សាសម្រស់ឱ្យមានភាពស្រស់ស្អាតដូចទេពធីតានៅគន្លឹះងាយៗទាំងនេះ ដោយនាងតែងតែអនុវត្តជារៀងរាល់ថ្ងៃ។ Winter បាននិយាយថា ដើម្បីទទួលបានស្បែកសភ្លឺចែងចាំង គ្មានមុន គ្មានស្នាម និងរាងស្អាត ដងខ្លួនស្រឡូន គឺនាងបានអនុវត្តនៅអាថ៌កំបាំងដូចជា៖
១.រក្សារបៀបរស់នៅដែលមានសុខភាពល្អ៖ តារាចម្រៀងវ័យ ២៣ ឆ្នាំរូបនេះតែងតែយកចិត្តទុកដាក់បន្ថែមផ្លែឈើស្រស់ៗ ផឹកទឹកឱ្យបានច្រើន និងគេងឱ្យបានគ្រប់គ្រាន់ ដើម្បីបង្កើនសុខភាពស្បែកពីខាងក្នុង។ យោងតាម Winter របបអាហារគ្មានតុល្យភាព និងការគេងមិនគ្រប់គ្រាន់អាចជះឥទ្ធិពលអវិជ្ជមានដល់សុខភាពស្បែក ដែលធ្វើឱ្យវាងាយនឹងមានបញ្ហាដូចជាមុន ស្នាមអុចខ្មៅ និងស្នាមជាំកន្ទួលជាដើម។ លើសពីនេះនាងក៏តែងតែយកចិត្តទុកដាក់ក្នុងការរក្សាស្មារតីឱ្យល្អ ជៀសវាងទុកឱ្យខ្លួនឯងព្រួយបារម្ភ ឬគិតច្រើន។
២.ប្រើផលិតផលថែរក្សាស្បែក៖ នៅថ្ងៃដែលស្បែកស្ងួត Winter នឹងប្រើសេរ៉ូមតិច ហើយប្រើក្រែមច្រើន ដោយបន្ថែមប្រេងលើមុខបន្តិច។ តារាចម្រៀងស្រីរូបនេះបាននិយាយថា ការលាបសារធាតុសំខាន់មុនចូលគេងជួយឱ្យស្បែករបស់នាងមានសុខភាពល្អពីខាងក្នុង។ ចាប់តាំងពីនាងបានចូលវិស័យសិល្បៈមក Winter បានយកចិត្តទុកដាក់យ៉ាងខ្លាំងចំពោះការប្រើប្រាស់សេរ៉ូមប្រឆាំងភាពចាស់ ដោយជារឿយៗនាងជ្រើសរើសផលិតផលដែលមានធាតុផ្សំពិសេស ដើម្បីជួយកាត់បន្ថយ និងកម្រិតការបង្កើតស្នាមជ្រួញ និងពង្រឹងការបង្កើតឡើងវិញនៃស្បែក។
៣.ការពារកំដៅថ្ងៃសម្រាប់ស្បែក៖ តារាចម្រៀងវ័យក្មេងរូបនេះតែងរក្សាទម្លាប់លាបឡេការពារកម្ដៅថ្ងៃក្នុងកម្រិតមធ្យមមុនពេលផាត់មុខ។ វិធីនេះជួយស្បែករបស់នាងការពារការឡើងកំដៅថ្ងៃ ភាពចាស់មុនអាយុ និងចំណុចខ្មៅ។ ដូច្នេះស្ត្រីគួរតែផ្តល់អាទិភាពដល់ផលិតផលឡេការពារកម្តៅថ្ងៃដែលមានសភាពរលោង និងស្ងួត។
៤.លាងសម្អាតមុខជានិច្ច៖ ការសម្អាតមុខពីរដងគឺជាវិធីរបស់ Winter ក្នុងការថែរក្សាស្បែកស្អាត និងមានសុខភាពល្អ។ នាងលុបគ្រឿងសម្អាងដែលមិនជ្រាបទឹក និងឡេការពារកម្ដៅថ្ងៃចេញ ហើយទឹកសម្អាតមុខនឹងកម្ចាត់ជាតិខ្លាញ់លើសពីស្បែក។ នាងក៏ប្រើហ្វូមលាងមុខដើម្បីសំអាតរន្ធញើសយ៉ាងជ្រៅផងដែរ បន្ទាប់ពីលាងសម្អាតពីរដងរួច Winter ក៏លាបម៉ាសមុខត្រឹមតែ ៥ នាទីក្នុងមួយថ្ងៃ ដើម្បីជួយឱ្យស្បែករបស់នាងស្អាត រលោង និងភ្លឺថ្លា៕