តារាចម្រៀងចិន Wang Feng អតីតស្វាមីរបស់តារាសម្ដែង Zhang Ziyi ត្រូវបានគេរាយការណ៍ថាបានចំណាយពេលទិវាកុមារជាមួយមិត្តស្រី Li Qiao អាយុ ៣៤ ដែលមានអាយុប្អូនលោក១៩ឆ្នាំជាជាងទៅលេងកូន។ របាយការណ៍ពី Sohu បង្ហាញថា តារាចម្រៀងរូបនេះនិងមិត្តស្រីរបស់លោកបានចំណាយពេលជាមួយគ្នានៅ Xinjiang ដែលជាតំបន់ស្វយ័តក្នុងប្រទេសចិន។.png)
បន្ទាប់មក តារាចម្រៀង Wang បានធ្វើដំណើរទៅកាន់ទីក្រុង Chengdu ភាគខាងត្បូងប្រទេសចិន ដែលមានចម្ងាយជិត ៣,០០០ គីឡូម៉ែត្រពីទីក្រុង Xinjiang ដើម្បីសម្តែងនៅឯការប្រគំតន្ត្រីរបស់លោក មុនពេលត្រឡប់ទៅ Xinjiang វិញ។ ពេលនោះគូស្នេហ៍មួយគូនេះត្រូវបានគេថតរូបជិះសេះក្នុងតំបន់ស្វយ័ត។
ប្រភពបាននិយាយថា ដោយសារអាជីពរបស់ Li Qiao នៅ Xinjiang និងការសន្យារបស់តារាចម្រៀងរូបនេះនៅទីក្រុងប៉េកាំង គូស្នេហ៍មួយគូនេះមានទំនាក់ទំនងផ្លូវឆ្ងាយជាចម្បង។ ទោះជាយ៉ាងនេះក្តី លោក Wang តែងតែធ្វើដំណើរទៅកាន់ខេត្ត Xinjiang ខណៈដែលមិត្តស្រីលោកក៏បានធ្វើដំណើរទៅទីក្រុងប៉េកាំងម្តងម្កាល ដើម្បីជួបលោកដែរ។
Sinchew បានបង្ហាញថាសាធារណៈជនបានកត់សម្គាល់ឃើញទំនាក់ទំនងរបស់គូស្នេហ៍នេះជាលើកដំបូងនៅពេលដែលពួកគេត្រូវបានគេមើលឃើញថាកំពុងញ៉ាំអាហារពេលល្ងាចជាមួយម្តាយនិងកូនរបស់តារាចម្រៀង Wang នៅថ្ងៃទី១៩ ខែឧសភាដែលត្រូវបានប្រារព្ធជាថ្ងៃបុណ្យម្ដាយឆ្នាំនេះ។ ក្រោយមករូបលោកបានទទួលស្គាល់ទំនាក់ទំនងស្នេហារបស់ពួកគេ។ Li Qiao ដែលត្រូវបានគេស្គាល់ថា Sen Lin Bei បានបញ្ចប់ការសិក្សាថ្នាក់សិល្បៈ និងធ្វើការនៅក្នុងឧស្សាហកម្មទេសចរណ៍នៅ Xinjiang ។.png)
តារាចម្រៀង Wang បច្ចុប្បន្នមានអាយុ៥៣ឆ្នាំ ត្រូវបានគេស្គាល់ថាជាអាជីពតន្ត្រីរ៉ុក និងតួនាទីរបស់លោកជាគ្រូបង្វឹកនៅក្នុងកម្មវិធី «The Voice of China» និងបានរៀបការជាមួយ Zhang Ziyi ក្នុងឆ្នាំ ២០១៥ ។ អាពាហ៍ពិពាហ៍នេះគឺជាលើកទី ៣ របស់តារាចម្រៀងប្រុសរូបនេះ ខណៈតារាសម្តែង Zhang Ziyi គឺជាលើកដំបូងរបស់នាង។ អ្នកទាំងពីរបានប្រកាសលែងលះគ្នាកាលពីខែតុលា ឆ្នាំ២០២៣ ខណៈ៧ខែក្រោយមកនៃការលែងលះខាងអតីតស្វាមីតារាស្រីរូបនេះមានទំនាក់ទំនងជាមួយមិត្តស្រីថ្មីដែលមានគម្លាតអាយុខុសគ្នាជិត២០ឆ្នាំ។
Zhang Ziyi ទទួលបានភាពល្បីល្បាញជាអន្តរជាតិសម្រាប់ការសម្តែងរបស់នាងនៅក្នុងខ្សែភាពយន្តឆ្នាំ២០០០មានចំណងជើងថា «Crouching Tiger, Hidden Dragon» ដែលបានទទួលពានរង្វាន់ Academy Award ចំនួន ១០ ។ នាងក៏ទទួលបានពានរង្វាន់ជាច្រើនសម្រាប់តួនាទីរបស់នាងនៅក្នុងខ្សែភាពយន្តឆ្នាំ២០១៣ មានចំណងជើងថា «The Grandmaster» ៕
