ក្នុងអំឡុងពេលសវនាការនៅតុលាការក្រុងតៃប៉ិនៅព្រឹកថ្ងៃទី ៣០ ឧសភា តុលាការបានកំណត់ថាតារាចម្រៀង និងជាតារាសម្តែងតៃវ៉ាន់ Aaron Yan ត្រូវបានផ្តន្ទាទោសដាក់ពន្ធនាគាររយៈពេល៧ខែ សម្រាប់ការថត និងបែកធ្លាយវីដេអូស្និទ្ធស្នាលរបស់អនីតិជនក្នុងអំឡុងឆ្នាំ ២០១៧-២០១៨។.png)
នៅក្នុងសេចក្តីសម្រេចរបស់ខ្លួន តុលាការស្រុក Shilin បាននិយាយថា Aaron Yan អាយុ ៣៩ឆ្នាំបានថតវីដេអូស្និទ្ធស្នាលដែលគេរួមភេទជាមួយអនីតិជនដោយមានបំណងចែករំលែកទៅកាន់អ្នកដទៃ។ តុលាការបានកាត់ទោសដាក់ពន្ធនាគាររយៈពេល៧រខែដែលត្រូវព្យួររយៈពេល៣ឆ្នាំនិងអាចកាត់បន្ថយការផាកពិន័យបានបន្ទាប់ពី Yan បានឈានដល់ការដោះស្រាយកាលពីខែមីនា ជាមួយជនជាប់ចោទមានឈ្មោះ Raku។ ចំនួនទឹកប្រាក់នៃការទូទាត់មិនត្រូវបានបង្ហាញឱ្យដឹងនោះទេ ដោយសារតែមានកិច្ចព្រមព្រៀងសម្ងាត់រវាងបុរសទាំងពីរនាក់ ដែលតុលាការបាននិយាយនៅក្នុងសាលក្រមរបស់ខ្លួនដែលអាចប្តឹងឧទ្ធរណ៍បាន។
លើសពីនេះ Aaron Yan បានទទួលការកាត់ទោសមួយទៀតរយៈពេល ៤ ខែពីបទបំពានច្បាប់ការពារទិន្នន័យផ្ទាល់ខ្លួន ដោយហេតុផលថារូបគេបានផ្ញើរូបភាពទៅកាន់អ្នកនិយមលេងអ៊ីនធឺណិតពីរនាក់ ដោយលើកទីមួយកើតឡើងនៅពេលដែល Raku មានអាយុ ១៧ឆ្នាំ។ ការជាប់ពន្ធនាគាររយៈពេល៤ខែក៏ត្រូវបានព្យួររយៈពេល៣ឆ្នាំដែរ ប៉ុន្តែមិនអាចកាត់បន្ថយការផាកពិន័យបានទេ។.png)
ក្នុងករណីដែលលេចចេញជារូបរាងក្នុងខែមិថុនា ឆ្នាំ២០២៣ Raku បានចោទប្រកាន់ Aaron Yan ពីបទរួមភេទដោយបង្ខំនៅផ្ទះរបស់គេ ដោយបានថតសកម្មភាពដោយគ្មានការយល់ព្រមពីខ្លួន ហើយបែកធ្លាយវីដេអូ។ Raku បាននិយាយថា សកម្មភាពនេះបានកើតឡើងចាប់ពីខែធ្នូ ឆ្នាំ ២០១៧ ដល់ខែមិថុនា ឆ្នាំ២០១៨ នៅពេលដែលអ្នកទាំងពីរមានទំនាក់ទំនងស្នេហាជាមួយគ្នា ដោយកត់សម្គាល់ថានៅពេលនោះគេមានអាយុ ១៦ឆ្នាំ ហើយ Aaron Yan មានអាយុ ៣០ ឆ្នាំ ។
នៅឆ្នាំ ២០១៩ Aaron Yan បានផ្ញើវីដេអូទាំងនេះទៅមនុស្សពីរនាក់ផ្សេងទៀតតាមរយៈកម្មវិធីផ្ញើសារ។ តុលាការបានរកឃើញថាលោកបានបំពានច្បាប់ដោយរក្សាទុក និងចែកចាយវីដេអូសិចដែលពាក់ព័ន្ធនឹងអនីតិជន។ Raku បានដាក់ពាក្យបណ្តឹងប្រឆាំងនឹងតារាសម្តែងរូបនេះក្នុងឆ្នាំ២០២៣ ដោយនិយាយថា ក្នុងរយៈពេលប៉ុន្មានឆ្នាំចុងក្រោយនេះ ជីវិតរបស់គេត្រូវបានរងផលប៉ះពាល់យ៉ាងធ្ងន់ធ្ងរ ដោយសារតែវីដេអូរសើបដែលរីករាលដាលនៅលើអ៊ីនធឺណិត។ ក្រោយពីត្រូវគេប្តឹង Aaron Yan បានសូមទោស Raku និងស្វែងរកការផ្សះផ្សាជាមួយអតីតមិត្តប្រុស។ តារាសម្ដែងរូបនេះបានពន្យល់ថា លោកមិនមានចេតនាផ្សព្វផ្សាយវីដេអូនោះទេ ប៉ុន្តែបានបង្ហាញដោយចៃដន្យ ដោយយកទូរសព្ទទៅជួសជុល៕
