កោះរ៉ុងជាកោះមួយស្ថិតនៅចំងាយ ៤០គីឡូម៉ែតពីឆ្នេរសមុទ្រខេត្តព្រះសីហនុ មានផ្ទៃដីទំហំ ៧៨គីឡូម៉ែត្រការ៉េ និងមានប្រវែងប្រហែល១០គីឡូម៉ែត្រ។
កោះនេះត្រូវបានគេទទួលស្គាល់ថា ជាកោះដែលមានឆ្នេរខ្សាច់សក្បុស និងទឹកសមុទ្រថ្លាឈ្វង់ជាងគេបំផុតមួយនៅប្រទេសកម្ពុជា។
ពេលទៅដល់កោះនេះ ភ្ញៀវទេសចរភាគច្រើន តែងតែទៅកម្សាន្តនៅឆ្នេរ សម្រាកលំហែនៅរីសតប្រណីតៗ ដោយបានមើលរំលងទឹកធ្លាក់មួយកន្លែងនៅលើកោះនោះ។
នៅលើកោះរ៉ុង មានទឹកធ្លាក់មួយ ដែលហាក់មិននទាន់មានឈ្មោះជាក់លាក់ណាមួយនៅឡើយនោះទេ ដោយភូមិរស់នៅនោះទីនោះច្រើនហៅថា “ទឹកជ្រោះព្រៃព្រែកស្វាយ” ដោយសារតែវាស្ថិតនៅតំបន់ព្រៃព្រែកស្វាយ។
ដើម្បីទៅដល់ទឹកជ្រោះនោះ ភ្ញៀវទេសចរ ត្រូវធ្វើដំណើរដោយថ្មើរជើងប្រមាណ៤៥នាទី ដើរកាន់ព្រៃ។ នៅក្នុងការដើរចូលព្រៃនេះ ភ្ញៀវទេសចរគួរណាស់តែសុំឱ្យអ្នកភូមិនៅទីនោះជូនទៅចៀសវាងការវង្វែងផ្លូវណាមួយកើតឡើង។
ពេលទៅដល់ទីនោះ ភ្ញៀវទេសចរនឹងឃើញមានទឹកធ្លាក់សក្បុស និងមានសភាពថ្លាដូចកញ្ចក់ ដែលបង្កើតឱ្យមានអារម្មណ៍ស្រស់ថ្លា បាត់អស់ទុក្ខកង្វល់៕