កំពង់ផែទេសចរណ៍ដ៏ធំនៅកំពត បានចាប់ផ្តើមសាងសង់កាលពីឆ្នាំ ២០១៨ ដោយបានបញ្ចប់ការសាងសង់ទាំងស្រុងនៅចុងខែមិថុនា ឆ្នាំ២០២២ លើផ្ទៃដីទំហំជាង ៤ហិកតា ក្នងទំហំទឹកប្រាក់៩.២៧លានដុល្លារអាមេរិក ដែលជាកម្ចីថវិការបស់ធនាគារអភិវឌ្ឍន៍អាស៊ី ADB។
ចាប់តាំងពីការសាងស់រួចរាល់មកនៅឆ្នាំ២០២២ កំពង់ផែនេះ នៅតែមិនទាន់អាចដាក់ឱ្យប្រើប្រាស់បាននៅឡើយដោយសារតែមានជម្រៅទឹករាក់ពេកមិនអាចឱ្យនាវាបើកចេញចូលបាន។
ជុំវិញករណីនេះ ឯកឧត្តម ស៊ុន ចាន់ថុល ឧបនាយករដ្ឋមន្រ្តី និងជាអនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានបញ្ជាក់ច្បាស់ៗថា៖” នេះមិនមែនជាកំហុសរបស់ក្រសួងសាធារណការទេ ព្រោះដើមឡើយ គម្រោងនេះស្ថិតនៅក្រោមការដឹកនាំរបស់ក្រសួងទេសចរណ៍ និងទើបបង្វែរជូនឱ្យក្រសួងសាធារណការធ្វើជំនួសវិញ”។
តែយ៉ាងណាមិញថ្មីៗនេះ ក្រសួងសាធារណការ និងដឹកជញ្ជូន គ្រោងនឹងចុះហត្ថលេខាលើកិច្ចព្រមព្រៀងអនុញ្ញាតឱ្យក្រុមហ៊ុន AZ Builder បោះទុន ពី ៥ ទៅ ១០លានដុល្លារ ដើម្បីស្រោចស្រង់កំពង់ផែទេសចរណ៍អន្តរជាតិកំពតដែលកំពុងជាប់គាំងអស់រយៈពេល ២ឆ្នាំ ឱ្យដំណើរការឡើងវិញនៅចុងឆ្នាំនេះ៕
