ព្រែកជីកហ្វូណនតេជោ ជាគម្រោងហេដ្ឋារចនាសម្ព័ន្ធផ្លូវទឹកដ៏ធំមួយរបស់កម្ពុជា ដែលគ្រោងប្រើទុនវិនិយោគប្រមាណ ១៧០០លានដុល្លារ និងគ្រោងអនុវត្តក្នុងរយៈពេល ៤ឆ្នាំ។
គម្រោងនេះ ផ្តល់ផលចំណេញច្រើនសម្រាប់ការដឹកជញ្ជូនកម្ពុជា ទាំងផ្នែកភូមិសាស្ត្រនយោបាយ សង្គម ប្រព័ន្ធធារាសាស្ត្រ និងផ្នែកសេដ្ឋកិច្ច ជាពិសេសការជួយសម្រួលប្រព័ន្ធពស្តុភារ ការកាត់បន្ថយការដឹកជញ្ជូនខ្លីជាងមុន និងថ្លៃចំណាយទាប។
បើតាមឯកឧត្តម ស៊ុន ចាន់ថុល ឧបនាយករដ្ឋមន្ត្រី និងជាអនុប្រធានទី១ ក្រុមប្រឹក្សាអភិវឌ្ឍន៍កម្ពុជា ក្នុងកិច្ចសម្ភាសន៍ពិសេសជាមួយ CNBC International TV ចេញផ្សាយថ្ងៃទី ១ ខែឧសភា ឆ្នាំ ២០២៤ បានលើកឡើងថា៖”គម្រោងព្រែកជីកហ្វូណននេះ អាចនឹងចាប់ផ្តើមបើកការដ្ឋានជីក ចាប់ពីថ្ងៃទី ២៩ ខែធ្នូ ឆ្នាំ២០២៤ ខាងមុខនេះទៅ ដែលកាលបរិច្ឆេទ ២៩ ធ្នូ គឺក្នុងន័យរំលឹកទិវាជ័យជំនះ ២៩ ធ្នូ ១៩៩៨ និង “ទិវាសន្តិភាពនៅកម្ពុជា” ដែលរដ្ឋាភិបាលទើបនឹងចេញអនុក្រឹត្យកំណត់យកជាថ្ងៃមុនជាតិកាលពីពេលកន្លងទៅថ្មីៗនេះ”៕
