យោងតាមការចុះផ្សាយរបស់ក្រសួងសាធារណការនិងដឹងកជញ្ជូន កាលពីថ្ងៃទី ១៧ ខែមេសា ឆ្នាំ២០២៤នេះ បានគូសបញ្ជាក់ម្តងទៀតថា អ្នកទាំងអស់គ្នាគឺមានសិទ្ធស្នើសុំប្តូរពីបណ្ណបើកបរជាតិ ទៅជាបណ្ណបើកបរអន្តរជាតិបាន ដែលតម្រូវឲ្យមានឯកសារមួយចំនួនដូចខាងក្រោម៖
– បណ្ណបើកបរជាតិ (ច្បាប់ដើមមានសុពលភាពយ៉ាងតិច១ឆ្នាំ)
– អត្តសញ្ញាណប័ណ្ណសញ្ជាតិខ្មែរ (ជាច្បាប់ចម្លងដែលមានបញ្ជាក់ពីអាជ្ញាធរមានសមត្ថកិច្ច)
– លិខិតឆ្លងដែន និងទិដ្ឋាការមានសុពលភាពមិនតិចជាង១៥ថ្ងៃ (សម្រាប់ជនបរទេស)។
*ករណីបណ្ណបើកបរបានប្រឡងនៅកម្ពុជា
– លិខិតបញ្ជាក់ទីលំនៅ (ចេញដោយមេឃុំ/ចៅសង្កាត់ សម្រាប់ជនបរទេស)
– រូបថតខ្នាត ៤.៥ x ៤.៥ ផ្ទៃពណ៌សចំនួន ៤សន្លឹក
*ចំពោះកម្រៃសេវា៖
– បណ្ណអនុញ្ញាតបើកបរអន្តរជាតិគឺមានតម្លៃ ២៥០.០០០ រៀល
*សម្រាប់ព័ត៌មានលម្អិត(Hotline)៖ សូមទំនាក់ទំនងទៅកាន់លេខ ១២៧៥
គួរបញ្ជាក់ថា បណ្ណបើកបរអន្តរជាតិ អាចប្រើសម្រាប់បើកបរបាន ៩៩ប្រទេស រួមមាន សហរដ្ឋអាមេរិក ថៃ វៀតណាម សិង្ហបុរី អូស្ត្រាលី បារាំង ឥណ្ឌា ហ្វីលីពីន អ៉ីតាលី ជប៉ុន និងប្រទេសហត្ថលេខីដទៃទៀតលើអនុសញ្ញាស្ដីពីចរាចរណ៍ផ្លូវគោក( ៩៩ប្រទេស) ស្របតាមអនុសញ្ញាស្ដីពីចរាចរណ៍ផ្លូវគោក ទីក្រុងវីយ៉ន ថ្ងៃទី១៩ ខែកញ្ញា ឆ្នាំ១៩៤៩ និងទើបតែបន្ថែមថ្មីចំនួន៤ប្រទេសទៀត សរុបចំនួន១០៣ប្រទេស។ ហើយបណ្ណអនុញ្ញាតបើកបរអន្តរជាតិនេះ គឺមានសុពលភាពរយៈពេលត្រឹមតែ ១ឆ្នាំប៉ុណ្ណោះ៕
