លោក ហេង វិសាល ស្វាមីរបស់ ជា ស្រីនា មិនត្រឹមតែអាយដលគំរូប៉ុណ្ណោះទេតែលោកជាបុរសដ៏ល្អតែងតែបំពេញក្តីស្រមៃរបស់មនុស្សជាទីស្រលាញ់មិនថាលោកមានចំណូលចិត្តឬគ្មានចំណូលចិត្តយ៉ាងណាក៏ដោយ។ លោកពុំមែនជាអ្នកដែលចូលចិត្តរាំចង្វាក់ K-Pop នោះទេ ប៉ុន្តែអាចសម្រេចក្តីស្រមៃរបស់ ជា ស្រីនា ដោយបានរាំចង្វាក់នេះក្នុងពិធីមង្គលការរបស់ខ្លួន។ ចំណែកឯពិធីសុំ ជា ស្រីនា រៀបការនៅមាត់សមុទ្រក៏លោកបំពេញក្តីស្រមៃរបស់ ជា ស្រីនា ដូចគ្នា។
សម្រាប់អ្នកដែលជាហ្វេនរបស់ ជា ស្រីនា ជ្រាបមកហើយថានាងគឺជាអ្នកគាំទ្រម្នាក់របស់ K-Pop ជាពិសេសនាងចូលចិត្តខ្លាំងទៅលើតារាចម្រៀង IU ។ នៅក្នុងពិធីមង្គលការរបស់ខ្លួនទៀតសោត ជា ស្រីនា បានដឹកដៃ ហេង វិសាល រាំចង្វាក់ Kpop ដ៏ភ្ញាក់ផ្អើលធ្វើឱ្យមានសំឡេងស្រែកហ៊ោយ៉ាងខ្លាំង។ ជា ស្រីនា និង ហេង វិសាល បានសម្តែងបទដ៏ល្បីល្បាញរបស់ Kpop មានចំណងជើងថា Trouble Maker និងបទ You And Me របស់ Jennie សមាជិក BLACKPINK ។
បើតាមការរៀបរាប់របស់ ហេង វិសាល បានប្រាប់ភ្ញៀវកិត្តិយសនៅក្នុងកម្មវិធីថា ពេលរាំបទ Kpop នេះលោកមានអារម្មណ៍ភ័យយ៉ាងខ្លាំងដោយសារតែមានមនុស្សច្រើនណាមួយលោកពុំមែនជាអ្នកពូកែរាំនោះទេប៉ុន្តែទោះជាយ៉ាងណាលោកអាចធ្វើបានដើម្បីបំពេញក្តីស្រមៃរបស់ ស្រីនា។
គេចាំបានដែរថា កាលពីកន្លងមកនេះ ហេង វិសាល បានរៀបគម្រោងសុំ ជា ស្រីនា រៀបការនៅឯមាត់សមុទ្រ ព្រោះនេះក៏ជាក្តីស្រមៃរបស់ ជា ស្រីនា ដូចគ្នាទោះបីជាលោកមិនមែនជាមនុស្សរ៉ូមេនទិចក៏ដោយ ប៉ុន្តែដើម្បីមនុស្សជាទីស្រលាញ់ ហេង វិសាល អាចសម្រេចក្តីស្រមៃរបស់ ជា ស្រីនា បាន។
គូស្វាមីភរិយាថ្មីថ្មោងមួយគូនេះ ជាគូស្នេហ៍ប្រចាំឆ្នាំដ៏ល្អបំផុតសម្រាប់ហ្វេនៗជាគូស្នេហ៍ដ៏គំរូ ល្បីក្នុងពិភពពិតមិនមែនជាការសម្តែង ហើយទទួលបានការគាំទ្រលើសលប់ពីទស្សនិកជន អ្នកក្នុងចង្កោមសិល្បៈ រួមទាំងអ្នកបង្កើតមាតិកា៕
