យោងតាមគេហទំព័រ Netflix TOP 10 នៅថ្ងៃទី២៧ ខែមីនា រឿងភាគរបស់ tvN មានចំណងជើងថា «Queen of Tears» ទទួលបានការចូលមើលចំនួន ៤.២ លានដងចាប់ពីថ្ងៃទី ១៨-២៤ ខែមីនា ដោយទទួលបានចំណាត់ថ្នាក់ទី ៤ នៅក្នុង Netflix Global TOP 10 TV Series (មិនមែនភាសាអង់គ្លេស)មានការទស្សនាកើនឡើងគួរឱ្យកត់សម្គាល់។
ជាងនេះទៅទៀត រឿងនេះបានជាប់ចំណាត់ថ្នាក់កំពូលក្នុងប្រទេសចំនួន ៧ រួមមាន ជប៉ុន ឥណ្ឌូណេស៊ី ម៉ាឡេស៊ី ហ្វីលីពីន ថៃ តៃវ៉ាន់ និងវៀតណាម ហើយបានជាប់ចំណាត់ថ្នាក់កំពូលទាំង ១០ ក្នុងចំណោម៤២ ប្រទេសជុំវិញពិភពលោក។ លើសពីនេះទៀត យោងតាមក្រុមហ៊ុន Flix Patrol ដែលជាសេវាកម្មចំណាត់ថ្នាក់វេទិកា OTT ដ៏លេចធ្លោមួយ «Queen of Tears» បានឆក់យកតំណែងដំបូងក្នុងប្រទេសសរុបចំនួន ១៦ រួមមាន បូលីវី ឥណ្ឌូនេស៊ី ជប៉ុន ម៉ាឡេស៊ី ប៉េរូ ហ្វីលីពីន សិង្ហបុរី កូរ៉េ ថៃ តៃវ៉ាន់ និងវៀតណាម នៅថ្ងៃទី២៦ ខែមីនា នេះ។
«Queen of Tears» បង្ហាញពីរឿងរ៉ាវស្នេហាដ៏ក្តុកក្តួលរវាង Hong Hae In (សម្តែងដោយ Kim Ji Won) ដែលជាអ្នកស្នងមរតកនៃក្រុមហ៊ុន Queen’s Group និង Baek Hyun Woo (សម្តែងដោយ Kim Soo Hyun) ដែលជាមេធាវីស្រស់សង្ហា។
ជាមួយនឹងអត្រាអ្នកទស្សនាដ៏គួរឱ្យចាប់អារម្មណ៍ ១៤.១% នៅក្នុងភាគទី៦ «Queen of Tears» បានជាប់ចំណាត់ថ្នាក់ខ្ពស់បំផុតរបស់ខ្លួនជារៀងរាល់សប្តាហ៍ចាប់តាំងពីការចេញផ្សាយលើកដំបូង ដែលធ្វើឱ្យវាក្លាយជាអ្នកប្រកួតប្រជែងកំពូលក្នុងចំណោមរឿងភាគដែលរួមបញ្ចូលគ្នារបស់ TV-OTT បីសប្តាហ៍ជាប់គ្នា។ ប្រជាប្រិយភាពរបស់ Kim Soo Hyun និង Kim Ji Won នៅតែបន្តកើនឡើង ស្របជាមួយនឹងភាពជោគជ័យជាសកលរឿងភាគរបស់ពួកគេទោះបីជាបញ្ហាខ្លះបានកើតឡើងក្តី៕
