សង្គ្រា.មលែងលះ៨ឆ្នាំរបស់ Angelina Jolie និងអតីតស្វាមីបានឈានដល់ទីបញ្ចប់

នៅថ្ងៃទី១៣ ខែមីនា តាមប្រភពព័ត៌មានបានចុះផ្សាយថាដំណើរការចរចារវាង Brad Pitt និង Angelina Jolie មានការលំបាក ប៉ុន្តែអ្នកទាំងពីរបានបញ្ចប់ការបញ្ជូនឯកសារ ទាក់ទងនឹងការបែងចែកទ្រព្យសម្បត្តិទៅតុលាការក្នុងរយៈពេលប៉ុន្មានសប្តាហ៍កន្លងមកនេះ។ ប្រភពមួយបានលាតត្រដាងថា «Brad Pitt គ្រាន់តែចង់បន្តជីវិតរបស់លោក។ សម្រាប់ជំហានចុងក្រោយនេះគឺដូចជាការលើកបន្ទុក បញ្ចប់ទំនាក់ទំនងយ៉ាងច្បាស់លាស់»។

យោងតាមប្រភពព័ត៌មានបានឱ្យដឹងថា បច្ចុប្បន្ននេះ Angelina Jolie កំពុងមើលថែ Shiloh និងកូនភ្លោះទាំងពីរដែលមិនទាន់មានអាយុ ១៨ឆ្នាំនៅឡើយ។ Brad Pitt នៅតែត្រូវបានអនុញ្ញាតឱ្យទៅលេងកូនរបស់ខ្លួន។ Maddox អាយុ ២២ ឆ្នាំ Pax អាយុ ២០ ឆ្នាំនិង Zahara អាយុ ១៩ ឆ្នាំគឺជាមនុស្សពេញវ័យដូច្នេះមិនត្រូវការអាណាព្យាបាលហើយមានសិទ្ធិសម្រេចចិត្តថាតើត្រូវជួបឪពុករបស់ពួកគេឬអត់។អ្នកផ្តល់ព័ត៌មានសម្រាប់ US Weekly បាននិយាយថា Brad Pitt មិនពេញចិត្តទេ ប៉ុន្តែបានទទួលយកវា ដោយសារតែលទ្ធផលគឺអាក្រក់ជាង Angelina Jolie ។ យ៉ាងណាមិញ តារាសម្ដែងរូបនេះមានការខកចិត្តដែលមិនបានជួបកូនជាញឹកញាប់ ហើយចង់ពង្រឹងទំនាក់ទំនងជាមួយកូន។

ក្រៅពី ជម្លោះក្នុងការមើលថែទាំកូន ការលែងលះរបស់តារាស្រីរូបនេះក៏ទាក់ទាញការចាប់អារម្មណ៍ជាមួយនឹងការប្ដឹងទាមទារដីចម្ការទំពាំងបាយជូរដែលមានតម្លៃ ៥០០ លានដុល្លារ។ កាលពីខែកុម្ភៈ តុលាការលុចសំបួ (បែលហ្ស៊ិក) បានប្រកាសថា Brad Pitt បានឈ្នះ ជុំចុងក្រោយនៃការកាត់ក្តីនៅក្នុងករណីចោទប្រកាន់ Angelina Jolie ពីបទលក់ភាគហ៊ុននៃចម្ការទំពាំងបាយជូរដោយបំពានទៅឱ្យ Yuri Shefler ដែលជាម្ចាស់ក្រុមហ៊ុនស្រាដ៏ធំនៅប្រទេសរុស្ស៊ី។ យោងតាម កាសែត Daily Mail នៅថ្ងៃទី១៣ ខែមីនា Angelina Jolie បានផ្លាស់ប្តូរសាលក្រមបឋមបន្ទាប់ពីចាញ់។

នៅឯតុលាការកំពូលនៅទីក្រុង Los Angeles នៅថ្ងៃទី ៨ ខែមីនា Angelina Jolie បានស្នើសុំឱ្យមានការច្រានចោលបណ្តឹងរបស់ Brad Pitt ដោយសារតែ «មិនសមរម្យ និងព្យាបាទ» ពីអតីតស្វាមី។ ទោះជាយ៉ាងណាក៏ដោយ ចៅក្រមបានច្រានចោលការខិតខំប្រឹងប្រែងរបស់មេធាវីរបស់នាង និងអនុញ្ញាតឱ្យ Brad Pitt មានសិទ្ធិប្តឹងអតីតភរិយារបស់ខ្លួនពីបទលក់ភាគហ៊ុនដោយចេតនាដោយគ្មានការយល់ព្រមពីលោក។

ជម្លោះបានចាប់ផ្តើមនៅពាក់កណ្តាលឆ្នាំ២០១៦ នៅពេលដែល Angelina Jolie ចង់លក់ចម្ការ ដើម្បីផ្លាស់ទៅប្រទេសអង់គ្លេស ដើម្បីបន្តសកម្មភាពនយោបាយ ប៉ុន្តែត្រូវប្រឈមមុខនឹងការប្រឆាំងពីអតីតស្វាមី។ គូស្នេហ៍តារាមួយគូនេះបានជួលអចលនទ្រព្យនៅប្រទេសបារាំងក្នុងឆ្នាំ២០០៨ មុនពេលទិញអចលនទ្រព្យក្នុងឆ្នាំ ២០១១។ ដំបូងឡើយ Brad Pitt កាន់កាប់ភាគហ៊ុន ៦០% ហើយ Angelina Jolie កាន់កាប់ ៤០% ។ បន្ទាប់ពីរៀបការរួច តារាប្រុសរូបនេះបានផ្ទេរ ១០% ទៅឱ្យប្រពន្ធរបស់ខ្លួនជាកាដូអាពាហ៍ពិពាហ៍ ដោយបានកំណត់អត្រាកម្មសិទ្ធិអចលនទ្រព្យរបស់ពួកគេទាំងពីរ។

បន្ទាប់ពីការលែងលះ Angelina Jolie បានលក់ភាគហ៊ុនដោយសម្ងាត់ទៅឱ្យដៃគូរុស្ស៊ីរបស់នាង។ Brad Pitt ជឿជាក់ថា Angelina មិនមានឋានៈស្របច្បាប់ទេ ព្រោះលោកនៅតែរក្សាបានកម្មសិទ្ធិ ៦០% ។ ការព្រមព្រៀងផ្ទេរ ១០% ទៅអតីតភរិយាកាលពីឆ្នាំ ២០១៤ គឺមិនផ្លូវការ ដូច្នេះហើយទើបលោកចង់យកទ្រព្យសម្បត្តិមកវិញ និងរក្សាការគ្រប់គ្រង។
Angelina Jolie និង Brad Pitt បានបើកចំហចំណងស្នេហ៍ជាសាធារណៈ ក្នុងឆ្នាំ ២០០៤ ហើយបានរៀបការជាមួយគ្នានៅឆ្នាំ ២០១៤ ដោយបានមើលថែកូនចំនួន ៦ នាក់ក្នុងនោះមានកូនចិញ្ចឹមបីនាក់ និងកូនបង្កើតបីនាក់ផងដែរ។ នៅឆ្នាំ២០១៦ Angelina Jolie បានដាក់ពាក្យសុំលែងលះដោយសុំសិទ្ធិចិញ្ចឹមកូនៗរបស់ពួកគេ ។

បន្ទាប់ពីការលែងលះ Angelina Jolie បានកំណត់សកម្មភាពសម្តែងរបស់នាង ភាគច្រើនចំណាយពេលជាមួយកូន និងជ្រើសរើសជីវិតនៅលីវ។ សំភាសន៍ជាមួយ ទស្សនាវដ្តី WSJ ក្នុងខែធ្នូ ឆ្នាំ២០២៣ តារាស្រីរូបនេះបាននិយាយថា ពាក្យបណ្តឹងជាមួយអតីតស្វាមីរបស់ខ្លួនបានប៉ះពាល់ដល់សុខភាពផ្លូវកាយ និងផ្លូវចិត្តរបស់នាង។

បច្ចុប្បន្ននេះតារាហូលីវូដរូបនេះកំពុងផ្តោតលើការគ្រប់គ្រងម៉ាកសម្លៀកបំពាក់ផ្ទាល់ខ្លួនដែលបានបង្កើតឡើងក្នុងខែឧសភា ឆ្នាំ ២០២៣។ ដោយឡែកសម្រាប់ Brad Pitt អាយុ៦០ឆ្នាំ កំពុងមានទំនាក់ទំនងស្នេហាជាមួយអ្នកច្នៃម៉ូតគ្រឿងអលង្ការ Ines de Ramon អាយុ២៩ឆ្នាំ ហើយកាលពីខែកុម្ភៈ អ្នកទាំងពីរត្រូវព័ត៌មានចុះផ្សាយថាបានរស់នៅជាមួយគ្នាក្រោមដំបូលផ្ទះខាងប្រុស៕