ថ្មីៗនេះទស្សនិកជនមានការចាប់អារម្មណ៍យ៉ាងខ្លាំងបន្ទាប់ពីតារាចម្រៀង ពេជ្រ សោភា និង ស៊ឹម ច័ន្ទពន្លឺ បានចាប់ដៃគូជាមួយគ្នាលើកយកបទដ៏ល្បីល្បាញមានចំណងជើងថា « Better Day» មកអង្រួនឆាកតន្រ្តីមួយ។ ការចាប់ដៃគូរបស់អ្នកទាំងពីរត្រូវទស្សនិកជនចាប់ភ្លឹកថាមានភាពស៊ីចង្វាក់គ្នាបានល្អ ខណៈ ពន្លឺ ក៏អាចរ៉េបបានទៅលើបទចម្រៀងមួយនេះរហូតមានអ្នកខ្លះគិតថាតើ ស៊ឹម ច័ន្ទពន្លឺ អាចជាដៃគូថ្មីរបស់ ពេជ្រ សោភា ឬទេ?
ដូចមហាជនជ្រាបមកហើយថាតារាចម្រៀង ពេជ្រ សោភា ខកខានចាប់ដៃគូតារាចម្រៀងប្រុសជាយូរមក បន្ទាប់ពីតារាចម្រៀងរូបនេះធ្លាប់សាងភាពល្បីល្បាញចាប់ដៃគូជាមួយ ជី ដេវីត បន្ទាប់មកគឺជាតារាចម្រៀង STEP ។ ទោះយ៉ាងណា បន្ទាប់ពីមិនមានដៃគូចម្រៀងជាមួយគ្នាអ្នកនាង ពេជ្រ សោភា បានចេញបទបែបប្រភេទមនោសញ្ចេតនា និងពេលខ្លះចាប់ដៃគូចម្រៀងជាមួយលោក ឆន សុវណ្ណារាជ យូរៗម្តងទម្លាប់តាំងពីដើមមិនមែនដូចជាការចាប់ដៃគូសហការជាមួយ ជី ដេវីត ឬ STEP ឡើយ។
ដោយឡែក នាពេលថ្មីៗនេះពោលគឺកាលពីថ្ងៃទី២៥ ធ្នូ ការប្រគំតន្រ្តីមួយអបអរបុណ្យណូអែលតារាចម្រៀង ពេជ្រ សោភា និង ស៊ឹម ច័ន្ទពន្លឺ បានចាប់ដៃគូជាមួយគ្នាលើកយកបទដ៏ល្បីល្បាញមានចំណងជើងថា «Better Day» ។ ការចាប់ដៃគូរបស់អ្នកទាំងពីរបានធ្វើឱ្យទស្សនិកជនមានការចាប់អារម្មណ៍ច្រើនស្របពេលដែល ស៊ឹម ច័ន្ទពន្លឺ អាចច្រៀងរ៉េបបានហើយអ្នកទាំងពីរក៏មើលទៅមានភាពស៊ីចង្វាក់គ្នាបានល្អថែមទៀត។
ប្រការនេះហើយហ្វេនៗមួយចំនួនក៏គិតដែរថាតើ ស៊ឹម ច័ន្ទពន្លឺ តារាចម្រៀងហង្សមាសផ្តើមពីការប្រកួត Cambodian Idol រដូវកាលទី៤ រូបនេះនាថ្ងៃមុខអាចជាដៃគូថ្មីរបស់ ពេជ្រ សោភា ដែរឬទេ ឬអ្នកទាំងពីរគ្រាន់តែអាចចាប់ដៃគូលើឆាកប្រគំតន្រ្តីតែប៉ុណ្ណោះ ដូច្នេះមានតែរង់ចាំតាមដានបន្តទៀត។ បន្ថែមពីលើនេះ ប្រសិនជាអ្នកទាំងពីរអាចចាប់ដៃគូជាមួយគ្នាពិតមែនតើពួកគេអាចនឹងអាចសាងប្រជាប្រិយភាពជាមួយគ្នាកម្រិតណា?៕
