កញ្ញា ពេជ្រ វត្តីសារ៉ាវឌ្ឍី បាននិយាយនៅក្នុង Live របស់ខ្លួនជាមួយអ្នកគាំទ្រដោយបានលើកឡើងពីជនជាតិថៃ ពេលនាងស្លៀកពាក់បែបវប្បធម៌ខ្មែរមិនមានជនជាតិថៃប្រើក្រសែភ្នែកបែបឈ្លោះគ្នារឿងវប្បធម៌ឬមានអ្នកមកថាឱ្យខ្លួនឡើយ។ បវរកញ្ញារូបនេះលើកឡើងទៀតថា អ្នកខ្លះបានបង្កើតគណនីបណ្តាញសង្គមក្លែងក្លាយយកមកខម្មិនផ្សេងៗដើម្បីឱ្យខ្មែរនិងថៃឈ្លោះគ្នាប៉ុន្តែធាតុពិតនៅខាងក្រៅជនជាតិគេឱ្យតម្លៃខ្មែរណាស់។
នៅក្នុងវីដេអូមួយបានចែកចាយលើបណ្តាញសង្គមទិកតុក ពេជ្រ វត្តីសារ៉ាវឌ្ឍី បាននិយាយថានៅប្រទេសថៃខ្លួនស្និទ្ធជាមួយគេច្រើនព្រោះតែខ្លួននៅទីណាគេចុះគេដែរ។ បវរកញ្ញារូបនេះបានបញ្ជាក់ថាពីមុនរឿងវប្បធម៌យើងអាចមានបញ្ហាជាមួយគ្នា ប៉ុន្តែនៅពេលនាងបានជាប់លំដាប់រងទី៥ Miss Grand International ខ្លួនក៏មានអ្នកគាំទ្រនៅប្រទេសថៃ ខណៈដែលនាងស្លៀកសំលៀកបំពាក់ខ្មែរយើង ដូចជាអប្សរា និងសំលៀកបំពាក់ផ្សេងទៀតមិនដែលមានអ្នកណាមកថាឱ្យនាងនោះទេ ឬប្រើខ្សែភ្នែកបែបឈ្លោះគ្នារឿងវប្បធម៌ឡើយ។
កញ្ញា ពេជ្រ វត្តីសារ៉ាវឌ្ឍី ថា អ្នកខ្លះបានបង្កើតគណនីក្លែងក្លាយយកមកខម្មិនផ្សេងៗដើម្បីឱ្យខ្មែរនិងថៃឈ្លោះគ្នាប៉ុន្តែធាតុពិតនៅក្រៅជនជាតិថៃឱ្យតម្លៃខ្មែរណាស់។ ជាក់ស្តែង ពេលនាងស្លៀកសំលៀកបំពាក់ខ្មែរ ជនជាតិថៃក៏សួរដែរប៉ុន្តែមិនចេញមកអះអាងថាជារបស់គេនោះទេដូចដែលយើងធ្លាប់គិត។ នាងបន្តថា នៅប្រទេសដែលមានវប្បធម៌ចូលមកស្រដៀងគ្នាចឹងធ្វើឱ្យយើងមានការយល់ច្រលំគេពីមុនមិនសូវបានស្គាល់ប្រទេសយើង គេមិនបានឮប្រទេសយើងជាដើម ប៉ុន្តែពេលនាងបានជាប់នៅលើឆាកអន្តរជាតិមានគេស្គាល់ខ្មែរច្រើន យើងក៏បានទៅរួមការងារនៅប្រទេសថៃគេបើកចិត្តច្រើនណាស់និងបានចែករំលែកគ្នាទៅវិញទៅមកមួយណាជារបស់ខ្មែរ មួយណាជារបស់ថៃជាដើម។
គួរបញ្ជាក់ថា ដ្បិតតែតំណែងលំដាប់រងទី៥របស់ ពេជ្រ វត្តីសារ៉ាវឌ្ឍី បានបញ្ចប់ហើយក្តីប៉ុន្តែការងាររបស់នាងនៅប្រទេសថៃនៅតែមានដដែលជាក់ស្តែងកាលពីពេលថ្មីៗនេះ ពេជ្រ វត្តីសារ៉ាវឌ្ឍី ក៏ទទួលបានការអញ្ជើញចូលរួមកម្មវិធីមួយផងដែរ៕
