ភ្នែក គឺជាផ្នែកនៃមួយរាងកាយដែលជួយឱ្យយើងមើលឃើញអ្វីៗនៅជុំវិញខ្លួន។ ប៉ុន្តែមនុស្សភាគច្រើនមិនសូវជាចាប់អារម្មណ៍ថែទាំភ្នែកទាំងគូឱ្យបានល្អប៉ុន្មានទេ ទាំងដែលភ្នែកក៏ងាយរងផលប៉ះពាល់ពីជំងឺភ្នែក ដូចជាភ្នែកឡើងបាយជាដើមដែលអាចបណ្ដាលឱ្យងងឹតភ្នែកបានផងដែរ។ ដូច្នេះហើយ តើមូលហេតុអ្វីដែលអាចបង្កឱ្យមានជំងឺភ្នែកឡើងបាយបែបនេះ?
មូលហេតុនៃជំងឺភ្នែកឡើងបាយ៖
១.ការប៉ះពាល់ភ្នែកដោយដៃមិនស្អាត។
២.ពាក់វ៉ែនតាញឹកញាប់ពេក។
៣.ការប្រើប្រាស់គ្រឿងសំអាងមិនល្អ ឬមិនបានលុបគ្រឿងសម្អាងចេញពីភ្នែក។
៤.មានប្រព័ន្ធការពាររាងកាយចុះខ្សោយ ដូចជាជំងឺទឹកនោមផ្អែម។
៥.ធ្លាប់មានប្រវត្តិនៃការរលាកត្របកភ្នែក។
៦.ធ្លាប់មានជំងឺភ្នែកឡើងបាយញឹកញាប់។
៧.ការធ្វើការងារដែលស្ថិតនៅក្រោមពន្លឺថ្ងៃខ្លាំងញឹកញាប់។
៨.ការប្រើប្រាស់ថ្នាំបន្តក់ភ្នែកសម្រាប់ជំងឺរលាកភ្នែក រយៈពេលយូរហួសកម្រិត ឬក្រហមភ្នែកដែលមានផ្ទុកនូវជាតិសេ្តរ៉ូអ៊ីត។
ដូច្នេះប្រសិនបើភ្នែកមានជំងឺឡើងបាយ វានឹងចេញរោគសញ្ញាខ្លះៗដូចជា មើលឃើញបែកផ្សែង និងស្រវាំងភ្នែកជាងធម្មតា មើលឃើញច្បាស់បន្តិច នៅពេលស្ថិតនៅក្នុងម្លប់ ឬពេលរសៀលជាដើម។
វិធីព្យាបាលភ្នែកឡើងបាយដោយខ្លួនឯង៖
១.លាងដៃនិងលាងមុខរបស់អ្នកឱ្យបានហ្មត់ចត់។
២.ជៀសវាងការប៉ះផ្នែកនៃត្របកភ្នែករបស់អ្នកនៅកន្លែងដែលមានជំងឺ។
៣.កុំច្របាច់ឬសង្កត់ដើម្បីបង្ហូរខ្ទុះចេញពីភ្នែកដោយខ្លួនឯង។
៤.ប្រសិនបើរោគសញ្ញាមិនប្រសើរឡើង អ្នកគួរតែទៅជួបគ្រូពេទ្យជំនាញជាបន្ទាន់ ដើម្បីពិនិត្យ និងព្យាបាលបន្ថែមជាមួយនឹងថ្នាំអង់ទីប៊ីយោទិច ឬចាក់ទឹកដើម្បីបង្ហូរខ្ទុះជាដើម។
ហេតុនេះហើយ ប្រសិនបើទុកយូរអាចធ្វើឱ្យកែវភ្នែកដែលមានភាពថ្លាច្បាស់ បែរជាមានភាពស្រអាប់ ឬឡើងពណ៌ស ជាហេតុបណ្ដាលឱ្យពន្លឺ និងរូបភាពមិនអាចឆ្លងកាត់នៅចំកន្លែងចាប់រូបភាពនៅបាតភ្នែកបាន ធ្វើឱ្យគំហើញមានការថយចុះ ងងឹតភ្នែក និងអាចបណ្តាលឱ្យខ្វាក់ភ្នែកបានទៀតផង៕
