BLACKPINK ជាទូទៅបានបង្ហាញពីទេពកោសល្យឈានមុខរបស់ពួកគេជាប្រចាំមិនថាជាក្បាច់រាំ សំលេង ឬមន្តស្នេហ៍ទេ សមាជិកម្នាក់ៗបញ្ចេញពន្លឺ ដែលរួមគ្នាធ្វើឱ្យក្រុមក្លាយជាមហាអំណាចដែលមិនអាចប្រកែកបាននៅក្នុងឧស្សាហកម្មតន្ត្រី។ ភាពជាប់លាប់របស់ពួកគេធានាថា ទាំងក្រុម និងគម្រោងបុគ្គលរបស់ពួកគេ សម្រេចបានជោគជ័យដ៏គួរឱ្យភ្ញាក់ផ្អើលពេញតារាងតន្ត្រី ដោយទទួលបានការសាទរទូទាំងពិភពលោក។
គិតត្រឹមថ្ងៃទី២០ ខែតុលា ដោយផ្អែកលើទិន្នន័យ TikTok ក្រុម BLACKPINK បានជាប់ជាក្រុមចម្រៀងនារី K-pop ដែលមានអ្នកចូលមើលច្រើនជាងគេ ដោយមានអ្នកចូលមើលជាង ៥៩ពាន់លានដងនៅលើវីដេអូដែលបង្ហាញពីចម្រៀងរបស់ពួកគេ។ សមិទ្ធិផលនេះគឺកាន់តែគួរឱ្យកត់សម្គាល់របស់ពួកគេបើប្រៀបធៀបទៅនឹងក្រុមនារី K-pop ឈានមុខគេផ្សេងទៀត។
ការសម្រេចបាននូវលទ្ធភាពដែលធ្វើឱ្យវីដេអូផ្ទុះខ្លាំងនៅលើ TikTok គឺមិនងាយស្រួលនោះទេ ដោយនិន្នាការប្រចាំថ្ងៃមានការវិវឌ្ឍយ៉ាងឆាប់រហ័ស និងបង្កើតខ្លឹមសាររបស់វេទិកាមានចម្រុះ។ យ៉ាងណាក៏ដោយ BLACKPINK ជាមួយនឹងអ្នកគាំទ្រជាសកលរបស់ពួកគេ បានពួតដៃគ្នាបដែលធ្វើឱ្យទស្សនិកជនចាប់អារម្មណ៍ជាមួយនឹងចង្វាក់ភ្លេង និងមាតិកាដែលគួរឱ្យចាប់អារម្មណ៍របស់ពួកគេ មិនថាវាជាអ្នកគាំទ្រចូលចិត្តតន្ត្រីរបស់ពួកគេ ឬបង្កើតការកែសម្រួលបែបកំប្លែងទេ វត្តមានរបស់ BLACKPINK នៅលើ TikTok គឺមិនអាចប្រកែកបាន។
ជាមួយគ្នានេះផងដែរបទ «How You Like That »របស់ BLACKPINK បានបំបែកឯតទគ្គកម្មដ៏គួរឱ្យចាប់អារម្មណ៍ជាបទចម្រៀងដែលមានអ្នកចូលមើលច្រើនជាងគេបំផុតដោយក្រុម K-pop នៅលើ TikTok ទទួលបានអ្នកមើលជាង ១៦ ពាន់លានដងនៅលើវីដេអូផ្សេងៗដែលមាន។
បន្ថែមពីលើនេះចម្រៀងមួយទៀតក្នុងចំណោមបទដែលជាប់ចំណាត់ថ្នាក់លេខមួយរបស់ BLACKPINK គឺបទ “Pink Venom” មានអ្នកចូលមើលជាង ៩.៩ពាន់លានដង ដោយបានបោះជំហានយ៉ាងសំខាន់លើសពីបទ “Butter” របស់ BTS ដែលមានចូលមើលជាង ៩.៣ពាន់លានដង ៕
