អាហារ ៤ មុខដូចខាងក្រោមនេះបុរសគ្រប់រូបគួរចៀសវាង ព្រោះអាហារទាំងនេះនឹងធ្វើឱ្យអ្នកមានក្លិនខ្លួនមិនល្អ ក៏ដូចជាបាត់បង់នូវភាពទាក់ទាញ និងបាត់បង់ទំនុកចិត្ត រួមទាំងបាត់បង់នូវបរិយាកាសល្អៗផងដែរ។ ដូច្នេះខាងក្រោមនេះគឺជាអាហារ ៤ ប្រភេទដែលអ្នកមិនគួរបរិភោគ៖
១.អាហារដែលមានគ្រឿងទេសច្រើន៖ ភាគច្រើននៃបុរសគឺចូលចិត្តទទួលទានអាហារណាដែលមានគ្រឿងទេសច្រើនដូចជា ខ្ទឹមស ខ្ទឹមក្រហម ម្ទេស ឬឱសថក្តៅក្នុងអាហាររបស់ពួកគេ។ ជាការពិតណាស់នៅពេលអ្នកទទួលទានអាហារទាំងនេះ ក្លិនអាក្រក់ៗនឹងចេញពីមាត់របស់អ្នកហួតតាមរន្ធញើស រហូតដល់ទឹកអប់មិនអាចទប់ទល់នឹងក្លិនខ្លួនរបស់អ្នកបាននោះឡើយ។
២.សាច់ក្រហម៖ ផ្នែកនៃសាច់ក្រហមដែលត្រូវបានកែច្នៃទៅជាអាហារដូចជាសាច់ Ham ឬសាច់ក្រក កាលណាដែលអ្នកបរិភោគវាហើយ នឹងធ្វើឱ្យអ្នកមានបញ្ហាក្លិនខ្លួនធ្ងន់ធ្ងរ ជាពិសេសនៅពេលដែលអ្នកចូលក្នុងបន្ទប់ទឹកដើម្បីសម្រួលឥរិយាបទ នោះក្លិនអាក្រក់ទាំងនោះនឹងជះចេញក្រៅយ៉ាងខ្លាំង។
៣.បន្លែមួយចំនួន៖ បន្លែមួយចំនួនដូចជា ស្ពៃក្តោប ផ្កាខាត់ណា និងស្ពៃតឿ… ទាំងនេះគឺជាមូលហេតុនៃក្លិនខ្លួនដែលមនុស្សជាច្រើនមិនដឹង ប្រសិនបើអ្នកចូលចិត្តញ៉ាំបន្លែទាំងនេះជាប្រចាំ ឬញឹកញាប់ ច្បាស់ណាស់វានឹងបណ្តាលឱ្យអ្នកមានក្លិនខ្លួនខ្លាំង។
៤.ភេសជ្ជៈមានជាតិអាល់កុល៖ ភេសជ្ជៈដែលមានជាតិអាល់កុលគឺជាមូលហេតុចម្បងនៃក្លិនខ្លួនខ្លាំង ព្រោះជាតិអាល់កុលនឹងហួតបូកជាមួយអាស៊ីត ដែលគេហៅថាអាសេតាតរួមជាមួយញើស វាបង្កើតក្លិនខ្លួនដែលគ្មាននរណាម្នាក់ចង់នៅជិតនោះទេ ដូច្នេះបុរសដែលចូលចិត្តទទួលទានគ្រឿងស្រវឹងនឹងបណ្តាលឱ្យអ្នកមានក្លិនខ្លួនអាក្រក់ដែលអាចបំផ្លាញបរិយាកាសបានផងដែរ៕
