មានមនុស្សមិនតិចទេដែលជឿថានៅលើលោកនេះពិតជាមានខ្មោច បើទោះបីជាវិទ្យាសាស្រ្តជឿនលឿនប៉ុណ្ណាក៏ដោយ។ អបិយជំនឿមន្តអាគមរបស់ចាស់ៗជំនាន់មុននៅតែមានអ្នកជឿរហូតមកដល់ពេលបច្ចុប្បន្ន។ ដូច្នេះហើយខាងក្រោមនេះគឺជាសញ្ញាទាំង ៦ ដែលបញ្ជាក់ថាអ្នកមានវិញ្ញាណអាក្រក់ចូលសណ្ឋិត៖
១.មិនសូវនិយាយស្តី៖ មនុស្សដែលមានចរិតរាក់ទាក់ នៅសុខៗប្រែទៅជាស្ងាត់ស្ងៀម លែងសូវមាត់ក លែងសូវសើច លែងរួសរាយដូចមុន បើតាមវិទ្យាសាស្រ្តអាចមកពីជំងឺផ្លូវចិត្ត តែបើតាមជំនឿវិញគឺអ្នកមានពពួកវិញ្ញាណអាក្រក់មកគ្រប់គ្រងធ្វើឱ្យអ្នកក្លាយជាមនុស្សពីរផ្សេងគ្នា។
២.ញ៉ាំច្រើននៅពេលយប់៖ នៅពេលថ្ងៃពពួកផ្លូវងងឹតមិនសូវចូលចិត្តញ៉ាំច្រើនទេជាពិសេសអាហារដែលឆ្អិនឬអាហារដែលមានរសជាតិប្រៃ ប៉ុន្តែនៅពេលយប់វិញគឺពួកគេញ៉ាំច្រើនណាស់ជាពិសេសគឺអាហារឆៅ និងសាច់ស្រស់។
៣.នៅដល់យប់ជ្រៅមិនចូលគេង៖ ពពួកផ្លូវងងឹតមិនដែលគេងនៅពេលយប់ទេ ដូច្នេះបើអ្នកចូលចិត្តអង្គុយម្នាក់ឯងនៅពេលយប់ជ្រៅឬមិនព្រមចូលគេងនៅពេលយប់ គឺមានន័យថាអ្នកមានវិញ្ញាណអាក្រក់ចូលសណ្ឋិតហើយ។
៤.ចូលចិត្តងូតទឹកយប់ជ្រៅ៖ ជាទូទៅមនុស្សធម្មតាមិនដែលងូតទឹកនៅពេលយប់ជ្រៅឬកណ្តាលអាធ្រាតនោះទេ បើអ្នកតែងតែងូតទឹកយប់ជ្រៅឬកណ្តាលអាធ្រាតនោះ ប្រាកដណាស់អ្នកនឹងមានវិញ្ញាណអាក្រក់ចូលមកគ្រប់គ្រងហើយ។
៥.ឆាប់ខឹង៖ មនុស្សដែលមានវិញ្ញាណអាក្រក់នៅជិត ពួកគេតែងតែមានអត្តចរិតប្លែកៗខុសពីធម្មតា ដោយពួកគេកាចសាហាវ ឆាប់ខឹង ឆាប់មួម៉ៅ ទោះគ្មាននរណាធ្វើអីពួកគេក៏ដោយ។
៦.និយាយប្លែកៗខុសធម្មតា៖ ពពួកវិញ្ញាណអាក្រក់តែងគិតអ្វីមួយប្លែកខុសពីគេ ពួកគេតែងតែនិយាយពាក្យមិនល្អជាច្រើនទៅមនុស្សជុំវិញខ្លួន ដែលធ្វើឱ្យអ្នកនៅក្បែរពួកគេមានអារម្មណ៍ថាខ្លាច…៕
