តើអ្នកដឹងទេថារោគសញ្ញាដំបូងរបស់អ្នកជំងឺមហារីក ភាគច្រើនគឺបណ្តាលមកពីការរលាកដុំសាច់។ ហើយវាជាការរលាកយូរអង្វែង ដែលនៅទីបំផុតធ្វើឱ្យកោសិកានៅតំបន់នោះក្លាយជាមហារីក។ ដូច្នេះដើម្បីការពារកុំឱ្យកោសិកាទាំងនោះផ្ដុំគ្នារហូតកើតជាដុំសាច់ហើយវិវត្តទៅជាជំងឺមហារីក យើងក៏មានអាហារដែលអាចប្រឆាំងនឹងជំងឺមហារីកផ្សេងៗផងដែរ ដែលអាហារទាំងនោះមានដូចជា៖
១.ប៉េងប៉ោះ៖ តាមរយៈការសិក្សាបានបង្ហាញថាផ្លែប៉េងប៉ោះគឺជាប្រភពដ៏ល្អនៃវីតាមីន A, C និង E និងសារធាតុប្រឆាំងអុកស៊ីតកម្ម lycopene ដែលអាចជួយប្រឆាំងនឹងរ៉ាឌីកាល់សេរីក៏ដូចជាការពារមហារីកក្រពេញប្រូស្តាត មហារីកសួត និងមហារីកក្រពះបានទៀតផង។ ដូចនេះផ្លែប៉េងប៉ោះគឺត្រូវបានរាប់ជាបន្លែដែលមានគុណសម្បត្តិនិងជាជម្រើសរើសល្អបំផុតសម្រាប់ការការពារពីជំងឺមហារីក។
២.ផ្លែបឺរី៖ មនុស្សជាច្រើនបានដឹងហើយថាផ្លែបឺរីគឺសម្បូរទៅដោយសារធាតុប្រឆាំងអុកស៊ីតកម្មដែលអាចជួយការពាររាងកាយពីរ៉ាឌីកាល់សេរី បំផ្លាញនិងការពារកោសិកាមហារីកមិនឱ្យរីករាលដាល ដូច្នេះវាអាចជួយប្រឆាំងនឹងការរលាក និងទប់ស្កាត់ការរីករាលដាលនៃកោសិកាមហារីកសុដន់ផងដែរ។
៣.គ្រាប់អាល់ម៉ុន៖ គ្រាប់អាល់ម៉ុនមានផ្ទុកសារធាតុ polyphenols ដែលអាចជួយការពារការវិវត្ត និងការរីករាលដាលនៃកោសិកាមហារីកក្រពេញប្រូស្តាត និងមហារីកសុដន់។
៤.បន្លែបៃតង៖ ប្រភេទបន្លែចដូចជាស្ពៃក្តោប ផ្កាខាត់ណា ប្រូខូលី និងខាត់ណាក៏មានមុខងារជួយប្រឆាំងមហារីកដែរ ជាពិសេសមហារីកពោះវៀនធំ មហារីកសុដន់ និងមហារីកក្រពេញប្រូស្តាត។
៥.ត្រីសមុទ្រ៖ ត្រីដែលមានអាស៊ីតខ្លាញ់សំខាន់ៗដូចជាត្រីសាលម៉ុន ត្រី mackerel និង ត្រី anchovies គឺសម្បូរទៅដោយវីតាមីន B, វីតាមីន D, ប៉ូតាស្យូម និងអាស៊ីតខ្លាញ់អូមេហ្គា ៣ ដែលមានគុណសម្បត្តិជួយការពារមហារីកពោះវៀនធំ មហារីកក្រពេញប្រូស្តាត នឹងមហារីកតម្រងនោម។
៦.ផ្លែអូលីវ៖ ផ្លែអូលីវ គឺជាផ្លែឈើដែលមានជីវជាតិល្អ និងមានរសជាតិឈ្ងុយឆ្ងាញ់ដែលមានគុណប្រយោជន៍ជាច្រើនចំពោះសុខភាពរួមទាំងសមត្ថភាពការពារប្រឆាំងនឹងការបំផ្លាញ សារធាតុប្រឆាំងអុកស៊ីតកម្ម ជំងឺបេះដូង ការបាត់បង់ឆ្អឹង ការពារជំងឺមហារីកផ្សេងៗ កាត់បន្ថយការរលាក និងរលាកសន្លាក់ និងបង្កើនការរំលាយអាហារ៕ ប្រភព៖sanook