ក្នុងចំណោមរាជធានី-ខេត្ត ទាំង ២៥ ទូទាំងព្រះរាជាណាចក្រកម្ពុជា មានខេត្តចំនួន៤ ដែលមានក្រុង ២ ខណៈខេត្តផ្សេងទៀត មានក្រុង១ប៉ុណ្ណោះ។
ខេត្តទាំងនោះរួមមាន៖
ខេត្តបន្ទាយមានជ័យ
- ខេត្តបន្ទាយមានជ័យ ចែកចេញជាក្រុង ២ និងស្រុក ៧។
- ក្រុង ២ របស់ខេត្តបន្ទាយមានជ័យ គឺ ក្រុងសិរីសោភ័ណ និងក្រុងប៉ោយប៉ែត ។ ចំណែកស្រុកទាំង ៧ រួមមាន ស្រុកមង្គលបុរី ស្រុកព្រះនេត្រព្រះ ស្រុកស្វាយចេក ស្រុកថ្មពួក ស្រុកអូរជ្រៅ ស្រុកភ្នំស្រុក និងស្រុកម៉ាឡៃ។
ខេត្តស្វាយរៀង
- ខេត្តស្វាយរៀង ចែកចេញជាក្រុង ២ និងស្រុក ៦។
- ក្រុង ២ របស់ខេត្តស្វាយរៀង គឺ ក្រុងស្វាយរៀង និងក្រុងបាវិត ។ ចំណែកស្រុកទាំង ៦ រួមមាន ស្រុករមាសហែក ស្រុកស្វាយជ្រុំ ស្រុកកំពង់រោទ៍ ស្រុករំដួល ស្រុកស្វាយទៀប និងស្រុកចន្ទ្រា។
ខេត្តកំពត
- ខេត្តកំពត ចែកចេញជាក្រុង២ និងស្រុក ៧។
- ក្រុង២របស់ខេត្តកំពត គឺក្រុងកំពត និងក្រុងបូកគោ (ក្រុងបូកគោ ទើបបង្កើតនៅខែមីនា ឆ្នាំ២០២១)។ ចំណែកស្រុកទាំង៧ រួមមាន ស្រុកកំពង់ត្រាច ស្រុកជុំគិរី ស្រុកឈូក ស្រុកដងទង់ ស្រុកទឹកឈូ ស្រុកបន្ទាយមាស និងស្រុកអង្គរជ័យ។
ខេត្តព្រះសីហនុ
- ខេត្តព្រះសីហនុ ចែកចេញជាក្រុង ២ និងស្រុក ៣។
- ក្រុង ២ របស់ខេត្តព្រះសីហនុ គឺ ក្រុងព្រះសីហនុ និងក្រុងកោះរ៉ុង។ ចំណែកស្រុកទាំង ៣ រួមមាន ស្រុកព្រៃនប់ ស្រុកកំពង់សីលា និងស្រុកស្ទឹងហាវ៕
