ផឹកកាហ្វេក្នុងពេលវេលាត្រឹមត្រូវ ប្រហែលល្អសម្រាប់សុខភាព តែបើផឹកមិនត្រឹមត្រូវតាមពេលវេលា ប្រាកដជានាំទុក្ខដល់ខ្លួនមិនខាន។ ផឹកកាហ្វេច្រើនពេក នឹងធ្វើឲ្យអ្នកវិលមុខ ក្អួត គេងមិនលក់ ញ័រទ្រូងជាដើម។ លើសពីនេះ ក៏អាចឈានដល់ការឈឺក្រពះ ដែលប៉ះពាល់ខ្លាំងដល់ សុខភាព។
១. ផឹកចន្លោះម៉ោង ៨-៩ ព្រឹក
មនុស្សជាច្រើនមានទម្លាប់ផឹកកាហ្វេនៅពេលព្រឹក ព្រោះយល់ថាជាការចាប់ផ្ដើមថ្ងៃថ្មី។ ប៉ុន្តែចន្លោះពីម៉ោង ៨ -៩ ព្រឹក មិនមែនជាពេលវេលាល្អទេ។ ម៉ោងនេះជំរុញឲ្យអាការៈស្រេ្តសកើនឡើង ដោយសារតែជាតិកាហ្វេអ៊ីននឹងផលិតកម្រិតកូទីសូល ដែលអាចជះឥទ្ធិពលដល់ផ្លូវអារម្មណ៍របស់អ្នកបាន។
២. ផឹកក្រោយបាយល្ងាចរួច
ទម្លាប់ដ៏ពេញនិយមមួយទៀត គឺផឹកកាហ្វេមួយពែងក្រោយអាហារល្ងាចរួច ដោយសារមនុស្សជាច្រើនយល់ថា ជួយរំលាយអាហារបានល្អ។ យ៉ាងណាក៏ដោយ ជ្រើសរើសពេលវេលានេះ មិនត្រឹមត្រូវទេ ដោយសារវារំខានដល់ការស្រូបយកជាតិដែកពីសារពាង្គកាយបាន។ បន្ថែមពីនេះ ផឹកកាហ្វេពេលយប់ វាប៉ះពាល់ដល់ដំណេកយ៉ាងខ្លាំង បណ្ដាលឲ្យអ្នកគេងមិនលក់ ដែលជះឥទ្ធិពលដល់ស្មារតីព្រោះគេងមិនគ្រប់គ្រាន់។
៣. បន្ថែមជាតិផ្អែមខ្លាំងក្នុងកាហ្វេ
ដោយសារកាហ្វេមានជាតិល្វីង មនុស្សជាច្រើនទម្លាប់ដាក់ស្ករនិងទឹកដោះគោដោយបរិមាណច្រើន។ តែបើអ្នកដាក់ជាតិផ្អែមពេក វាកាន់តែបង្កើនហានិភ័យដោយប្រឈមនឹងជំងឺទឹកនោមផ្អែម និងជំងឺបេះដូងថែមទៀត៕